ادامدارعا ۆاكسينانى تاڭداۋ قۇقىعى جانە ءتيىستى اقپارات بەرىلۋى ءتيىس - اسقار مامين

None
None
نۇر- سۇلتان. قازاقپارات - ادامدارعا ۆاكسينانى تاڭداۋ قۇقىعى جانە ءتيىستى اقپارات بەرىلۋى ءتيىس. بۇل تۋرالى ۇكىمەت وتىرىسىندا ق ر پرەمەر- ءمينيسترى اسقار مامين ايتتى، دەپ حابارلايدى قازاقپارات ءتىلشىسى.

«قازىرگى كەزدە اۋرۋ جۇقتىرۋ بويىنشا جاعدايدىڭ جاقسارعانى بايقالىپ وتىر. دەگەنمەن 6 ءوڭىر «قىزىل» ايماقتا. بۇل - نۇر- سۇلتان جانە الماتى قالالارى، باتىس قازاقستان، اقمولا، قاراعاندى، اتىراۋ وبلىستارى. ۆيرۋستىڭ رەپرودۋكتيۆتىلىك يندەكسى 0,98 قۇرايدى. اۋرۋحانالارداعى ورىندار – 36، جانساقتاۋ بولىمدەرى 28 پايىز تولى»، - دەدى ۇكىمەت باسشىسى.

سونىمەن قاتار ول قازىرگى تاڭدا، ۆاكسينانىڭ ءبىرىنشى كومپونەنتى 1,9 ميلليوننان استام ادامعا، ەكىنشى كومپونەنتى 800 مىڭعا جۋىق ادامعا ەگىلگەنىن اتاپ ءوتتى.

«سونىمەن قاتار، قويمالار مەن مەديتسينالىق ۇيىمداردا ۆاكتسينانىڭ ءبىرىنشى جانە ەكىنشى كومپونەنتتەرى جەتكىلىكتى كولەمدە بار. ۆاكتسينالاردىڭ قورى ۇنەمى تولىقتىرىلىپ وتىرادى. ۆاكسينالاۋ - جوسپار بويىنشا جۇرگىزىلۋدە. وڭىرلەردە ۆاكسينالاۋدى ارتتىرۋ بويىنشا جۇمىستى جالعاستىرۋ قاجەت. اكىمدەر ماسەلەنى ەرەكشە باقىلاۋدا ۇستاسىن»، - دەدى پرەمەر- مينيستر.

اسقار مامين ادامدارعا ۆاكسينانى تاڭداۋ قۇقىعى جانە ءتيىستى اقپارات بەرىلۋى تيىستىگىن باسا ايتتى. اسىرەسە، دەنساۋلىق ساقتاۋ مينيسترلىگى ۆاكتسينالاۋ اراسىنداعى ينتەرۆالدى ناقتى انىقتاپ، حالىقتىڭ قالاۋىنا نازار اۋدارۋ كەرەكتىگىنە اتاپ ءوتتى.

«سونىمەن قاتار شەكتەۋ شارالارىنىڭ ساقتالۋىن باقىلاۋ جونىندەگى مونيتورينگتەۋ توپتارىنىڭ جۇمىسىن جالعاستىرۋ قاجەت. «اشىق» قوسىمشاسىن پايدالانۋ وڭ ناتيجەسىن بەرىپ وتىر. سونىڭ ارقاسىندا قىزمەتتەر كورسەتۋ سالاسىنداعى بيزنەستىڭ جۇمىس ىستەۋ مۇمكىندىگى جاقساردى، ولارعا كەلۋشى ادامداردىڭ قاۋىپسىزدىگى ارتتى. قوسىمشانى پايدالانۋ سالالارىن ودان ءارى دە كەڭەيتۋ قاجەت»، - دەدى ۇكىمەت باسشىسى.

سوڭعى جاڭالىقتار