باياناۋىل وڭىرىندە تۇسىرىلگەن «اعا» فيلمى جارىققا شىقتى

شىعارماشىلىق توپ ەكشن جانرىنداعى فيلمنىڭ كورەرمەن كوڭىلىنەن شىعارىنا سەنىمدى. پاۆلوداردا دۇنيەگە كەلگەن جاس رەجيسسەر فارحات سەركەبايەۆ كينو ءتۇسىرۋدى كوپتەن ارمانداعان ەكەن. ول «اعا» فيلمىنىڭ سەناريىن جازۋدى 2013 -جىلدان باستاپ قولعا الىپتى. ۇزاق ۋاقىتتىق تولعانىستان شىققان تۋىندىنىڭ كەشە «Kinopark 11 Imax Esentai « كينوتەاترىندا تانىستىرىلىمى ءوتتى.

فارحات سەركەبايەۆ، فيلم رەجيسسەرى: - ءيا بۇل مەنىڭ تىرناقالدى تۋىندىم. ءاربىر رەجيسسەردىڭ وزىندىك قولتاڭباسى بولادى. اركىمگە ءارتۇرلى جانر ۇنايدى. مەنىڭ وڭ جامباسىما وسى ەكشن جانرى كەلەدى دەپ توپشىلادىم. ويتكەنى بالا كەزىمنەن شىتىرمانعا تولى كينولاردى قاراپ ءوستىم. بۇل كينودا تەك قانا اتىس- شابىس ەمەس كوپشىلىككە وي سالاتىن ماعىنالى تۇستارى دا جەتەرلىك.

«اعا» فيلمىنىڭ جالپى ءمان- ماعىناسى - اكە مەن بالانىڭ قارىم- قاتىناسى. جاس ۇرپاقتىڭ تاربيەسى. اقشانىڭ بۋىنا ماستانعان سانسىزباي، ۇلى ساكەننىڭ ادام بولىپ وسۋىنە ەش الاڭداعان ەمەس. ناتيجەسىندە ءتالىم- تاربيە كورمەگەن بالاسىنىڭ جاساعان قياناتتارىنان ءوزى وپىق جەيدى.

بولات ءابدىلمانوۆ، اكتەر:

- ەكشن فيلم بولعان كەزدەگى مىنا ءۇش ءجۇزدىڭ بىرىگۋى سول ءۇش ءجۇزدىڭ ءار وكىلدەرى بۇكىل قازاقتىڭ تۇتاستىعى. سوندا بىرەۋ ەگەر جاڭاعى تارتىپسىزدىك جاساسا، قىلمىس جاساسا، سونى وزدەرى سونى ايىپتاۋ ارقىلى وسىنداي تاريحپەن بۇگىنگى كۇندى اكەلگىسى كەلگەن كينودا.

فيلمدە ارمان اسەنوۆ پەن نۇرسۇلتان مۇحامەدجانوۆ، ازامات يبرايەۆ پەن ماريام ساتايەۆا سەكىلدى جاس اكتەرلەردەن بولەك، فارحاد ابدرايموۆ پەن مۇرات بيسەنبين سەكىلدى ەلىمىزگە بەلگىلى اكتەرلەر وينايدى. سونداي- اق رەسەيلىك اكتەر الەكساندر ۋستيۋگوۆتا بار.

«اعا» فيلمى بۇگىننەن باستاپ «Kinopark جانە Kinoplexx» كينوتەاترلار جەلىسىنەن كورسەتىلەدى.