ماجىلىستە بايقوڭىرداعى اپاتقا قاتىستى رەسەيدىڭ وتەماقى تولەۋى تالقىلاندى

بۇل تۋرالى پارلامەنت ءماجىلىسىنىڭ جالپى وتىرىسىندا قازاقستان سىرتقى ىستەر ءمينيسترىنىڭ ورىنباسارى مارات سىزدىقوۆ ءمالىم ەتتى، دەپ حابارلايدى قازاقپارات ءتىلشىسى.

«وسىنداي ءتيىستى كەلىسىم (وتەماقى تۋرالى ) بار. رەسەي تاراپى كەلتىرىلگەن شىعىندى تولەۋ سەكىلدى كەپىلدىكتى وزىنە الادى. الايدا تاجىريبە جۇزىندە بۇل وتە ۇزاق پروتسەسس ەكەنىن كورىپ وتىرمىز. وسى ورايدا ءتۇرلى بيۋروكراتيالىق تۇستارى كەزدەسىپ جاتىر»، - دەدى م. سىزدىقوۆ.

بۇل تۇرعىدا ول 2018 -جىلى بايقوڭىرداعى اپاتتى مىسال رەتىندە كەلتىردى. «2018 -جىلى بولعان اپات بويىنشا ماتەريالدىق وتەماقى ءالى دە تولەنبەدى»، - دەدى ءمينيستردىڭ ورىنباسارى.

ەسكە سالا كەتەيىك، 2018 -جىلى 11-قازاندا بايقوڭىر عارىش ايلاعىنىڭ گاگارين ستارت الاڭىنان وربيتاعا باسقارىلاتىن كولىكتىك «سويۋز مس-10» كەمەسىن الىپ شىعۋى ءتيىس «سويۋز ف گ» زىمىران تاسىعىشى ۇشىرىلدى. ءبىراق ستارت بەرىلگەن سوڭ بىرنەشە مينۋتتان كەيىن روسكوسموس سايتىنداعى تىكەلەي كورسەتىلىم ءۇزىلىپ، ديكتور «زىمىران تاسىعىشتىڭ اپاتقا ۇشىراعانىن» حابارلاعان ەدى

اۆتور: رۋسلان عابباسوۆ