ەلوردادا رەسپۋبليكالىق ستۋدەنتتەر ايتىسى ءوتتى

جىر دوداسى ەل تاۋەلسىزدىگىنىڭ 30 جىلدىعى مەن ل. ن. گۋميليەۆ اتىنداعى ەۋرازيا ۇلتتىق ۋنيۆەرسيتەتىنىڭ 25 جىلدىعىنا وراي ۇيىمداستىرىلعان.

«ەڭ ءبىرىنشى باقىتىم.. .» رەسپۋبليكالىق ستۋدەنتتەر ايتىسى وسىمەن ون بەسىنشى مارتە ءوتىپ وتىر. ايتىستى ە ۇ ۋ تەلەراديو جانە قوعاممەن كافەدراسىنىڭ مەڭگەرۋشىسى، بەلگىلى ايتىس اقىن سەرىكزات دۇيسەنعازى جۇرگىزدى. قازىلار القاسىنىڭ قۇرامىندا امانجول ءالتاي (ءتوراعا) ، داۋلەتكەرەي كاپ ۇلى، يرانعايىپ كۇزەمبايەۆ، ەركەبۇلان قاينازاروۆ سەكىلدى تانىمال ايتىسكەر اقىندار مەن ۋنيۆەرسيتەتتىڭ كاسىپوداق ۇيىمىنىڭ ءتوراعاسى ماقسات ارالحانوۆ بولدى. ايتىستىڭ نەگىزگى جۇلدە قورىنا قايىرىمدىلىق كومەك كورسەتكەن قازاقستاندىق سالالىق ءبىلىم جانە عىلىم قىزمەتكەرلەرىنىڭ كاسىپوداعى (ءتورايىمى مۇقاشيەۆا ايگۇل ماقسات قىزى) بارلىق جاس اقىندارعا قارجىلاي سىيلىقتار تابىس ەتتى.

ءتورت ساعاتتان استام ۋاقىتقا سوزىلعان ايتىسقا قاتىسۋشىلارعا جۇلدەلى ورىنداردان بولەك ارنايى التى نوميناتسيا تاعايىندالدى. رىمعالي نۇرعالي اتىنداعى ارنايى جۇلدە ورىنبەك ارداققا (م. اۋەزوۆ اتىنداعى وڭتۇستىك قازاقستان مەملەكەتتىك ۋنيۆەرسيتەتى)، ءدۇرالى دۇيسەباي اتىنداعى ارنايى جۇلدە احمەتوۆ ادىلگە (م. وتەمىسوۆ اتىنداعى باتىس قازاقستان ۋنيۆەرسيتەتى)، مىرزاتاي سەرعاليەۆ اتىنداعى ارنايى جۇلدە ءجۇمالى ميزامعا (پاۆلودار پەداگوگيكالىق ۋنيۆەرسيتەتى)، ءناۋبات قاليەۆ اتىنداعى ارنايى جۇلدە ۇلعاسبايەۆ مۇحتارعا (ە ۇ ۋ)، اقسەلەۋ سەيدىمبەك اتىنداعى ارنايى جۇلدە باقىت ۇلى جاندوسقا (اكادەميك ە. ا. بوكەتوۆ اتىنداعى قاراعاندى ۋنيۆەرسيتەتى)، مىرزاگەلدى كەمەل اتىنداعى ارنايى جۇلدە بايمەنتايەۆ ەراسىلعا (ە ۇ ۋ) تابىستالدى.

Ⅲ ورىن قازاق ۇلتتىق ونەر ۋنيۆەرسيتەتىنىڭ ستۋدەنتى باباقۇل مۇحيتقا بۇيىرسا، Ⅱ ورىن ح. دوسمۇحامەدوۆ اتىنداعى اتىراۋ ۋنيۆەرسيتەتىنىڭ ستۋدەنتى فاريزا جەتپىسبايەۆاعا تابىستالدى. I ورىندى قازاق ۇلتتىق ونەر ۋنيۆەرسيتەتىنىڭ تۇلەگى تورەحان سوۆەت يەلەندى. ايتىستىڭ باس جۇلدەسىن قورقىت اتا اتىنداعى قىزىلوردا ۋنيۆەرسيتەتىنىڭ ستۋدەنتى بەكسۇلتان ورىنباساروۆ جەڭىپ الدى.