ەلوردادا «بوپاي حانىم» سپەكتاكلى قويىلادى

تۋىندى اۆتورى - اباي اتىنداعى مەملەكەتتىك سىيلىقتىڭ لاۋرەاتى روزا مۇقانوۆا. رەجيسسەرى - جۇلدىزبەك جۇمانباي.

«بوپاي حانىم - ءابىلقايىردىڭ جارى، قيىن كۇندەردە ەل تىنىشتىعى مەن بىرلىگى ءۇشىن پەندە باسىنداعى قايعىنى دا، اۋىرتپالىق پەن الاۋىزدىقتى جەڭە بىلگەن كورەگەن قازاق ايەلى. بوپايدىڭ قايراتكەرلىك تۇلعاسى، اسىل انا رەتىندە تاربيەلىك ونەگەسى - ۇلتقا ماقتانىش، ۇرپاققا ۇلگى. بوپاي حانىم بەينەسىن ءبىرىنشى قۇرامدا تەاتر جانە كينو مايتالمانى، قازاقستاننىڭ ەڭبەك سىڭىرگەن قايراتكەرى، پروفەسسور، «قۇرمەت»، «پاراسات» وردەندەرىنىڭ يەگەرى لەيلو بەكنازار- حانينگا سومدايدى»، - دەلىنگەن تەاتر حابارلاماسىندا.

سونىمەن بىرگە، پرەمەرا الدىندا لەيلو اقنازار قىزىنىڭ ساحنا جانە كينوداعى 40 جىلدىق شىعارماشىلىعىنا ارنالعان «جۇلدىزىم مەنىڭ جوعارى» كىتابىنىڭ تۇساۋى كەسىلەدى. پرەمەرانىڭ ەكىنشى كۇنى بوپاي رولىندە قازاقستان جاستار وداعى «سەرپەر» سىيلىعىنىڭ لاۋرەاتى سايا توقمانعاليەۆا وينايدى. ال ءابىلقايىر حان ءرولىن ءبىرىنشى قۇرامدا ەرجان نۇرىمبەت، ەكىنشى قۇرامدا - قازاقستاننىڭ ەڭبەك سىڭىرگەن قايراتكەرى سىرىم قاشقابايەۆ، ءنۇرالى حاندى - قازاقستان جاستار وداعى «سەرپەر» سىيلىعىنىڭ لاۋرەاتى جانات وسپانوۆ جانە ءبازىل سۇلتانعازى، باراق سۇلتان ءرولىن - قازاقستاننىڭ ەڭبەك سىڭىرگەن قايراتكەرلەرى قۋاندىق قىستىقباي مەن جانقالدىبەك تولەنبايەۆ سومدايدى.