تالدىقورعان- ءۇشارال اۆتوجولى بيىل پايدالانۋعا بەرىلەدى - «قازاۆتوجول»

None
None
تالدىقورعان. قازاقپارات - بيىلعى جىل سوڭىنا دەيىن تالدىقورعان- ءۇشارال اۆتوجولى پايدالانۋعا بەرىلەدى دەپ جوسپارلانۋدا.

قازىر 313 شاقىرىم جولدىڭ جارتىسىنان كوبى اياقتالدى، دەپ حابارلايدى قازاقپارات ءتىلشىسى.

«الماتى- وسكەمەن جوباسىنىڭ 313 شاقىرىمى ءبىزدىڭ الماتى وبلىسى ارقىلى وتەدى. ول 5 ۋچاسكەگە بولىنگەن. قازىر بارلىق ۋچاسكەدە جۇمىس قارقىندى ءجۇرىپ جاتىر. 1500 ادام، 800 گە جۋىق تەحنيكا جۇمىلدىرىلعان. بيىلعا جوسپارىمىز - جىل سوڭىنا دەيىن 5 ۋچاسكەنى تولىق ءبىتىرىپ، حالىققا پايدالانۋعا بەرۋ»، - دەدى «قازاۆتوجول» ۇ ق» ا ق الماتى وبلىستىق فيليالى ديرەكتورىنىڭ مىندەتىن اتقارۋشى مەرەي شاحاربايەۆ.

م. شاحاربايەۆتىڭ سوزىنشە، تالدىقورعان- ءۇشارال تراسساسىنىڭ ۇزىندىعى 313 شاقىرىم بولسا، قازىر ونىڭ 180 شاقىرىمى ەكى جولاقپەن سالىنىپ، پايدالانۋعا بەرىلگەن. بۇل جاڭا جولمەن كولىكتەر ءجۇرىپ جاتىر. الايدا، جۇرگىزۋشىلەر پايدالانۋعا بەرىلىپ جاتقان جولداردىڭ ۇزىندىعى وتە قىسقا بولعاندىقتان، قايتا- قايتا قارا جولعا ءتۇسىپ، الەككە تۇسەتىنىن ايتۋدا.

جالپى جوبا بويىنشا تالدىقورعان- ءۇشارال جولى 2022 -جىلدىڭ كۇزىندە اياقتالۋعا ءتيىس. جوسپارعا سايكەس 23 كوپىر سالىنادى. جولدى قىتايدىڭ «CITIC Contraction» كومپانياسى جاساپ جاتىر، مەردىگەرلەر اۋىسپاعان.

ايتا كەتەيىك، «قازاۆتوجول» وكىلدەرى اتالمىش تراسسانى بىلتىرعى جىلدىڭ سوڭىنا دەيىن اياقتاۋعا ۋادە بەرگەن ەدى. ءبىراق بۇل جوسپار پاندەميانىڭ كەسىرىنەن جۇزەگە اسپاي قالعان.


سوڭعى جاڭالىقتار