ش ق و- دا كەنتتەگى ءورت ءسوندىرىلدى، ورماندا جالىنمەن كۇرەس جالعاسىپ جاتىر

None
None
وسكەمەن. قازاقپارات - شىعىس قازاقستان وبلىسىندا الاپات ورتپەن كۇرەس ءالى دە جالعاسۋدا، دەپ حابارلايدى قازاقپارات ءتىلشىسى.

ش ق و توتەنشە جاعدايلار دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، 11-مامىردا تاڭعى ساعات 7:00 دە لەسحوز كەنتىندەگى ورتەنگەن ۇيلەر تولىق ءسوندىرىلدى. ءبىراق ورماندا ءتىلسىز جاۋمەن كۇرەس ءالى جالعاسىپ جاتىر. تىكۇشاقپەن بارلاۋ بارىسىندا اشىق جانىپ جاتقان جالىن بايقالماعان.

«جالپى ءورتتى اۋىزدىقتاۋعا جەكە قۇرامنان 500 گە جۋىق ادام مەن 69 تەحنيكا جۇمىلدىرىلعان. ونىڭ ىشىندە دەپارتامەنت قىزمەتكەرلەرى، ورمانشىلار، جەرگىلىكتى اتقارۋشى ورگان وكىلدەرى جانە پوليسەيلەر بار. ءورت سالدارىنان ءبىر ادام كوز جۇمىپ، ەكەۋى جاراقات العان»، - دەپ حابارلادى ۆەدومستۆو وكىلدەرى.

ەستەرىڭىزگە سالا كەتسەك، 10-مامىر كۇنى ش ق و- داعى ريددەر ورمان شارۋاشىلىعىندا ءورت شىقتى. دالا ءورتى 310 گەكتار اۋماقتى شارپىپ، 1 ادام قازا تاپتى. ورتكە بايلانىستى شۇعىل جەلى ىسكە قوسىلدى. مەملەكەت باسشىسى ۇكىمەت پەن شىعىس قازاقستان وبلىسىنىڭ اكىمدىگى ورتتەن زارداپ شەككەن لەسحوز كەنتىنىڭ تۇرعىندارىنا كومەك كورسەتىپ، باسپانامەن قامتاماسىز ەتۋدى تاپسىردى.

سوڭعى جاڭالىقتار