ش ق و- داعى ءورت: ۆيتسە- مينيستر ريددەرگە اتتاندى

بۇل تۋرالى شىعىس قازاقستان وبلىستىق توتەنشە جاعدايلار دەپارتامەنتى حابارلادى.

«ريددەر قالاسىندا جەدەل جەلى تەلەفوندارى جۇمىس ىستەيدى: 87233642941؛ 877799132. ەۆاكۋاتسيالىق پۋنكتتەر كەلەسى مەكەن- جايلار بويىنشا ۇيىمداستىرىلدى:

1. ريددەر اگروتەحنيكالىق كوللەدجى تەل.: 87057628065 مەكەنجايى: اباي كوشەسى، 65

2. «قازتسينك» پروفيلاكتوري امبۋلاتورلىق ورتالىعى بازاسىنداعى قوناق ءۇي. تەل.: 87713051853؛ مەكەنجايى: گوگول ك. , 55ا.» ، - دەپ جازىلعان دەپارتامەنتتىڭ مالىمەتىندە.

توتەنشە جاعداي مينيسترلىگىنىڭ رەسمي وكىلى تالعات ءۋالي قازاقپارات تىلشىسىنە ءورتتىڭ بەتى ءالى قايتپاعانىن ايتتى.

«ءورت ءالى باسىلعان جوق. وقيعا ورنىنا توتەنشە جاعدايلار ۆيتسە- ءمينيسترى مارات كۇلدىكوۆ ۇشىپ شىقتى»، - دەدى تالعات ءۋالي.

قازىرگى تاڭدا ريددەر قالاسىنىڭ اكىمى ورتتەن قاۋىپتەنىپ باسپاناسىن تاستاپ شىققان تۇرعىنداردىڭ سانىن انىقتاپ جاتىر.