+7 (701) 759 90 19
25 °С : نۇر-سۇلتان
25 °С : الماتى
USD 426.77 EUR 509.95
RUB 5.89 CNY 66.34
جاڭالىقتار

بەيجىڭدە قازاق جازۋشىسىنىڭ شىعارماشىلىعىنا ارنالعان كونفەرەنسيا ءوتتى - شەتەلدەگى قازاق ءتىلدى ب ا ق- قا شولۋ

10 مامىر 09:56
:ءبولىسۋ
بەيجىڭدە قازاق جازۋشىسىنىڭ شىعارماشىلىعىنا ارنالعان كونفەرەنسيا ءوتتى - شەتەلدەگى قازاق ءتىلدى ب ا ق- قا شولۋ

نۇر-سۇلتان. قازاقپارات- «قازاقپارات» ح ا ا شەتەلدەگى قازاق تىلىندە تارايتىن اقپارات كوزدەرىنە اپتالىق شولۋىن ۇسىنادى.

بەيجىڭدە قازاق جازۋشىسىنىڭ شىعارماشىلىعىنا ارنالعان كونفەرەنسيا ءوتتى - CNR

بەيجىڭدە قىتاي جازۋشىلار وداعىنىڭ ۇيىمداستىرۋىمەن قازاق جازۋشىسى ەركەش قۇرمانبەك قىزىنىڭ «ارعىماق اسۋى» اتتى رومانىن تالقىلاۋعا ارنالعان كونفەرەنسيا ءوتتى، دەپ حابارلايدى قىتايلىق kazakcnr.com سايتى.

اتالعان ب ا ق- تىڭ جازۋىنشا، كونفەرەنسياعا قىتاي جازۋشىلار وداعى باسقارماسىنىڭ حاتشىسى چيۋ حۋادۇڭ جانە باسقا دا تانىمال جازۋشىلار مەن ادەبيەت سىنشىلارى قاتىسىپ، «ارعىماق اسۋى» رومانى تۋرالى پىكىرلەرىمەن بولىسكەن. سونداي-اق، ەركەش قۇرمانبەك قىزى ب ا ق- قا بەرگەن سۇحباتىندا «ارعىماق اسۋى» رومانى 6 جىلدىق ەڭبەگىنىڭ جەمىسى ەكەنىن ايتقان.

«رومانعا قازاق ۇلتىنىڭ اۋىل ءومىرى، تىرشىلىك داعدىسى ارقاۋ بولعان. تۋىندىنىڭ «ارعىماق اسۋى» دەگەن اتاۋىنىڭ ءوزى سول اۋىلداعى جايلاۋدىڭ اتاۋى. كىتاپ قىتاي تىلىندە جازىلعان. قازاقشا نۇسقاسى ءالى شىققان جوق»، - دەيدى جازۋشى ەركەش قۇرمانبەك قىزى.

ەسكە سالا كەتەيىك، ەركەش قۇرمانبەك قىزى - ق ح ر جازۋشىلار وداعىنىڭ مۇشەسى، جازۋشى، اۋدارماشى.

ول انا تىلىندە دە، قىتاي تىلىندە دە ەركىن سويلەپ، جازا الاتىن جازۋشى. قازاقستاندىق قالامگەرلەردەن سايىن مۇراتبەكوۆ، راحىمجان وتاربايەۆ، نەمات كەلىمبەتوۆتەردىڭ شىعارمالارىن جانە ومارعازى ايتان ۇلى، ورازقان احمەتوۆ، جۇماباي ءبىلال ۇلى سەكىلدى قىتايداعى قازاق جازۋشىلارىنىڭ روماندارىن قىتاي تىلىندە سويلەتكەن بىلىكتى اۋدارماشى.

ەركەش قۇرمانبەك قىزىنىڭ ءتول تۋىندىلارىنان «كەلمەسكە كەتكەن قاراكەر»، «تاڭ اتار، كۇن باتار» پوۆەستەر جيناعى، «ەرتىس سىڭعىرى» اتتى اڭگىمەلەر جيناعى جارىق كورگەن.

موڭعوليا ءۇندىستانعا 1 ميلليون دوللار كولەمىندە گۋمانيتارلىق كومەك كورسەتەدى- KAZNEWS

موڭعوليا ۇكىمەتى كوروناۆيرۋس ينفەكسياسىمەن كۇرەس اياسىندا ءۇندىستان رەسپۋبليكاسىنا 1 ميلليون دوللار كولەمىندە گۋمانيتارلىق كومەك كورسەتەدى.

بۇل تۋرالى موڭعوليا ۇكىمەتىنىڭ باسپا ءسوز قىزمەتى حابارلادى، دەپ جازادى موڭعوليانىڭ Kaznews اقپاراتتىق پورتالى.

«گۋمانيتارلىق كومەك كورسەتۋ تۋرالى اقپاراتتى موڭعوليا پرەمەر-ءمينيسترى ل. ويۋۋن-ەردەنە ءۇندىستان رەسپۋبليكاسىنىڭ موڭعولياداعى ەلشىسى م. پ. سينگحتى قابىلداعان ساتتە جەتكىزدى.

بۇعان دەيىن 2021-جىلى اقپان ايىندا ءۇندىستان ۇكىمەتى موڭعولياعا 150 مىڭ ۆاكسينا جىبەرگەن بولاتىن.

ءۇندىستان مەن موڭعوليا 1955-جىلى ديپلوماتيالىق قارىم-قاتىناس ورناتقان. ءۇندى-موڭعول ىنتىماقتاستىعى بۇرىن تەك ديپلوماتيالىق ساپارلارمەن، جەڭىلدەتىلگەن نەسيەلەرمەن جانە قارجىلىق كومەكپەن، IT سالاسىنداعى ىنتىماقتاستىقتارمەن شەكتەلىپ كەلگەن.

2015-جىلى ءۇندىستان پرەمەر-ءمينيسترى نارەندرا موديدىڭ ۋلاانبااتارعا ساپارى اياسىندا «مۇناي وڭدەۋ ءوندىرىسىن سالۋ جوباسىنا ميلليارد دوللار نەسيە» بەرۋگە ۋاعدالاسقانى ەكى ەل اراسىنداعى ىنتىماقتاستىقتىڭ جاڭا ساتىعا كوتەرىلۋىنە تۇرتكى بولىپ، تاراپتار «ستراتەگيالىق سەرىكتەستىك» جاريالاعان بولاتىن»، - دەپ جازدى Kaznews.

تيمۋر بەكمامبەتوۆ وزبەكستانعا شەتەلدىك ءىرى كينوكومپانيالاردى تارتۋعا كومەكتەسەدى - «ءو ز ا»

اقپاراتتىق اگەنتتىگى تۋريزم جانە سپورت ءمينيسترى ازيز ابدۋحاكيموۆ كينورەجيسسەر ءارى پروديۋسەر تيمۋر بەكمامبەتوۆتى قابىلدادى، دەپ جازادى وزبەكستاننىڭ «ءو ز ا» مەملەكەتتىك اقپاراتتىق اگەنتتىگى.

اتالعان ب ا ق- تىڭ جازۋىنشا، مينيستر مەن تيمۋر بەكمامبەتوۆتىڭ كەزدەسۋىندە وبەكستانداعى كينوتۋريزمدى دامىتۋ پەرسپەكتيۆالارى تۋرالى اڭگىمەلەسىپ، فيلمدەر، سەريالدار جانە باسقا دا كينوونىمدەر شىعارۋعا مۇمكىندىك بەرەتىن ەلدىڭ باي تاريحي-مادەني مۇراسى تۋرالى پىكىر الماسقان.

سونداي-اق تانىمال رەجيسسەر ەلدىڭ تۋريستىك الەۋەتىن، ۇلى باتىرلاردىڭ بەينەسىن، تاريحى مەن تابيعي كينولوكاتسيالارىن ەسكەرە وتىرىپ، ءىرى كينوكومپانيالاردى تارتۋ بويىنشا ءبىرقاتار باستامالاردى ۇسىنعان.

«كينورەجيسسەر وزبەكستانعا ساپارى كەزىندە ءتۋريزمدى دامىتۋعا سالىنعان ينۆەستيتسيا ناتيجەسى ايقىن بايقالاتىنىن ايتىپ، ەلدەگى تۋريزم مەن قوناقجايلىعىنا جوعارى باعا بەردى. ول وزبەك حالقىنىڭ توزىمدىلىگى مەن جومارتتىعىن ايتا وتىرىپ، فيلمدەردە وسى اسپەكتىلەردى كورسەتۋ كەرەكتىگىن جەتكىزگەن. كەزدەسۋدە تاراپتار، تۋىندىلاردا ءابۋ رايحان بەرۋني، ءابۋ ءالي يبن سينا، ميرزو ۇلىقبەك سياقتى ۇلى عۇلامالاردىڭ ءومىرى مەن شىعارماشىلىعى جايلى، ءامىر تەمىر، مانگۋبەردى سىندى تاريحي تۇلعالاردىڭ تاعدىرى مەن ولكەنىڭ باي تاريحى باياندالۋى جانە قوجا ناسرەددين سىندى حالىق كەيىپكەرلەرىنىڭ بەينەسى دە نازاردان تىس قالماۋى كەرەك ەكەنى ايتىلدى»، - دەپ جازادى «ءو ز ا» اقپارات اگەنتتىگى.

تۇرىك كومپانيالارى قازاقستانعا ينۆەستيتسيا سالۋدان رەكورد جاڭارتتى - TRT

وتكەن جىلى كوروناۆيرۋس ەپيدەمياسىنا قاراماستان، تۇرىك كومپانيالارى قازاقستانعا 362,4 ميلليون دوللار ينۆەستيتسيالادى. ەلدە تۇرىك كومپانيالارى وسى جىلدىڭ سوڭىنا دەيىن تاعى 10 ينۆەستيتسيالىق جوبانى جۇزەگە اسىرادى، دەپ حابارلايدى تۇركيا راديو تەلەۆيزيا پورتالى.

«قازاقستاننىڭ سىرتقى ىستەر مينيسترلىگى «قازاقستان مەن تۇركيانىڭ ينۆەستيتسيالىق ىنتىماقتاستىعىنداعى جاڭا تاريحي كەزەڭ» اتتى ەسەپ جاريالادى.

ەسەپكە سايكەس، 2020-جىلى تۇركيادان قازاقستانعا سالىنعان ينۆەستيتسيالار رەكوردتى جاڭارتتى.

2020-جىلى الەمدەگى تىكەلەي ينۆەستيتسيا كولەمى كوۆيد-19 ەپيدەمياسىنىڭ سالدارىنان 42 پايىزعا ازايعانىمەن، تۇرىك كومپانيالارىنىڭ قازاقستانعا سالعان ينۆەستيتسيالارى رەكوردتىق دەڭگەيگە جەتتى.

تۇرىك كومپانيالارى ەپيدەمياعا قاراماستان وتكەن جىلى قازاقستانعا 362,4 ميلليون دوللار ينۆەستيتسيا قۇيدى جانە ەلدەگى سوڭعى 30 جىلداعى رەكوردتى جاڭارتتى. جىل سوڭىنا دەيىن تاعى 10 ينۆەستيتسيالىق جوبا جۇزەگە اسىرىلاتىن قازاقستاندا 2023-جىلى تۇرىك كاپيتالىمەن جوبالار سانىن ەكى ەسەگە ارتتىرۋ كوزدەلگەن»، - دەپ جازادى TRT.

اۆتور: باقىتجول كاكەش


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات