گولوۆكيننىڭ پروموۋتەرى: ءۇشىنشى رەت كەزدەسۋدەن باس تارتاتىن سەبەپ كورىپ تۇرعانىم جوق

سونداي- اق ول الۆارەستىڭ ەسىنە تريلوگيانى سالدى، دەپ حابارلايدى Sports.kz.

«كانەلو» 70 مىڭ تەلەكورەرمەن الدىندا نوكاۋتپەن جەڭدى. بۇل وتە جاقسى جەتىستىك. الايدا GGG- مەن كەزدەسۋ فلويد مەيۆەزەردەن كەيىنگى ەڭ قيىن ايقاس بولادى. گولوۆكين ءبىرىنشى كەزدەسۋدە جەڭىسكە جەتتى، ءتىپتى ەكەۋىندە دە دەۋگە بولادى. ەگەر سەندە وسىنداي مىقتى جەكپە-جەكتەر وتكىزەتىن مۇمكىندىك بولسا، نەگە ءۇشىنشى كەزدەسۋدى ۇيىمداستىرماسقا.

«كانەلو» ءوزىنىڭ مىقتىلىعىن كورسەتتى. قۇتتىقتايمىن!»، دەپ جازدى توم لەففلەر ءوزىنىڭ Twitter- دەگى پاراقشاسىندا.

ايتا كەتەيىك، «كانەلو» سوندەرستى جەڭىپ، الەم چەمپيوننىڭ ءۇش تيتۋلىن بىرىكتىردى. وسىعان دەيىن ول قازاقستاندىق گەننادي گولوۆكينمەن (40-1-1، 36 ك و) ءۇشىنشى كەزدەسۋگە دايىن ەكەنىن، ول ءۇشىن قازاقستاندىقتىڭ سۋپەر ورتا سالماققا كوشۋى كەرەكتىگىن ايتقان بولاتىن.

گولوۆكين مەن «كانەلونىڭ» ءبىرىنشى كەزدەسۋى تەڭ اياقتالدى جانە ول ۇلكەن داۋ تۋدىردى. ودان كەيىنگى كەزدەسۋدە تورەشىلەر باسىم داۋىسپەن جەڭىستى الۆارەسكە بەردى.