تەمىرتاۋدا كورشىلەردىڭ اراسىندا جانجال شىعىپ، مىلتىق اتىلدى

None
None
تەمىرتاۋ. قازاقپارات - تەمىرتاۋ قالاسىندا كورشىلەردىڭ اراسىندا جانجال شىعىپ، ولاردىڭ ءبىرى مىلتىق اتقان.

ابىروي بولعاندا قازا بولعاندار مەن جاراقات العاندار جوق، دەپ حابارلايدى قازاقپارات ءتىلشىسى.

جانجال 8- مامىر ساعات 20:42 شاماسىندا تەمىرتاۋ قالاسىنداعى 8-شاعىناۋدانىنىڭ اۋلاسىندا بولعان.

ۇرىس اۋلادا ويناپ جۇرگەن بالالاردىڭ توبەلەسىنەن تۋعان. ولاردى اجىراتۋ ءۇشىن ۇيلەرىنەن اكەلەرى شىققان.

الايدا، ءوزارا كەلىسە الماعان ەرەسەكتەردىڭ اراسىندا دا جانجال تۋىنداعان.

«ءمان-جايدى انىقتاۋ بارىسىندا بالالاردىڭ ءبىرىنىڭ 43 جاستاعى اكەسى 32 جاستاعى قارسىلاسىن بەتىنەن ۇرعانى، سودان كەيىن سوڭعىسى ۇيدەن مىلتىق الىپ، ەكى رەت ودان اۋاعا وق اتىپ، قاشىپ كەتكەنى انىقتالدى. اتىس كەزىندە زارداپ شەككەندەر جوق. اتالعان فاكتى بويىنشا ق ر ق ك 293-بابى 3-بولىگى بويىنشا قىلمىستىق ءىس تىركەلدى. جاسىرىنعان ادامدى ۇستاۋ ءۇشىن وبلىستىڭ ىشكى ىستەر ورگاندارىنىڭ جەكە قۇرامى باعىتتالعان. تەرگەۋ ءجۇرىپ جاتىر»، - دەپ حابارلادى قاراعاندى وبلىسى پ د باسپا ءسوز قىزمەتى.

سوڭعى جاڭالىقتار