قازاقستاندا كارانتين تالاپتارى ەڭ كوپ بۇزىلاتىن وڭىرلەر انىقتالدى

None
None
نۇر-سۇلتان. قازاقپارات - قازاقستاندا كارانتين تالاپتارىنىڭ ساقتالۋ بارىسىنا مونيتورينگ جۇمىستارى جالعاسۋدا، دەپ حابارلايدى قازاقپارات ق ر ۇكىمەتى جانىنداعى قازاقستاندا كوروناۆيرۋستىڭ تارالۋىنا جول بەرمەۋ جونىندەگى ۆەدومستۆوارالىق كوميسسياسىنىڭ Telegram كانالىنا سىلتەمە جاساپ.

ونداعى مالىمەتتەرگە قاراعاندا، 2021-جىلعى 1- قاڭتارى مەن 5- مامىرى ارالىعىندا جۇمىسشى توپ 76995 رەيد جۇرگىزىپ، 481280 نىسان تەكسەرىلدى. ناتيجەسىندە 14198 (%2,9) زاڭبۇزۋشىلىق انىقتالدى.

كارانتين تالاپتارىن بۇزۋ ارەكەتتەرىنىڭ باسىم كوپشىلىگى تۇركىستان (2198)، الماتى (1996)، شىمكەنت (1596) قالالارى مەن الماتى وبلىسى (955) جانە ⠀ شىعىس قازاقستان (3538) وبلىسىندا تىركەلدى.

مونيتورينگ بارىسىندا انىقتالاتىن نەگىزگى زاڭبۇزۋشىلىقتار:

كارانتين كەزىندە قىزمەتىنە تىيىم سالىنعان وبەكتىلەردىڭ جۇمىس ىستەۋى، شەكتەۋ رەجيمىن ساقتاماۋ، شامادان تىس ادام جيناي وتىرىپ، بۇقارالىق ءىس-شارالار وتكىزۋ بولىپ تابىلادى.

سانيتاريالىق-ەپيدەميولوگيالىق تالاپتاردى بۇزۋشىلىقتاردى انىقتاۋ بويىنشا مونيتورينگتىك توپتار 2502 جوسپاردان تىس تەكسەرۋ جۇرگىزىپ، 2292 نۇسقاما بەردى، 268 ماتەريال سوتقا جولداندى، 70 وبەكتىنىڭ قىزمەتى توقتاتىلدى.

ناتيجەسىندە 8147 كاسىپكەرلىك نىسان مەن 6371 جەكە تۇلعاعا اكىمشىلىك حاتتاما تولتىرىلىپ، 1,114 ميلليارد تەڭگەدەن استام ايىپپۇل سالىندى.

ايتا كەتۋ كەرەك، ازاماتتاردىڭ باسىم كوپشىلىگىنە قوعامدىق ورىنداردا ماسكا رەجيمىن بۇزعانى ءۇشىن ايىپپۇل سالىنعان.

سوڭعى جاڭالىقتار