باتىس قازاقستان وبلىسىندا «جايىق بارىسى» انىقتالدى

ءداستۇرلى جارىسقا وبلىس اۋداندارى مەن ورال قالاسىنان بارلىعى 13 بالۋان قاتىسىپ، باق سىنادى. فينالدا ءبورلى اۋدانىنىڭ وكىلى تەمىرلان كولباي كازتالوۆتىق بەكايدار مەڭدەشيەۆتى تازا ۇتتى.

ءۇشىنشى ورىن بەلدەسۋدە بايتەرەكتىك ەرلان مۇساعاليەۆ جاراقاتىنا بايلانىستى كىلەمگە شىقپاي قالدى دا، جەڭىس قارسىلاسى، جاڭاقالالىق ەراسىل احمەتوۆكە بەرىلدى.

بيىلعى ەرەكشەلىك، جەڭىمپازعا «جايىق بارىسى» بەلدىگى تابىس ەتىلدى. سونداي-اق چەمپيونعا - 150 مىڭ، ەكىنشى ورىن يەگەرىنە - 100 مىڭ، ۇزدىك ۇشتىكتى تۇيىندەگەن بالۋانعا 50 مىڭ تەڭگە اقشالاي سىيلىق تاپسىرىلدى.

«قازاقستان بارىسى» رەسپۋبليكالىق تۋرنيرىندە ت. كولباي مەن ب. مەڭدەشيەۆ وبلىس نامىسىن قورعايتىن بولادى.

جارىسقا قازاق كۇرەسى وبلىستىق فەدەراتسياسىنىڭ ۆيتسە-پرەزيدەنتى اسەت سۇلتان ۇلى دەمەۋشىلىك كورسەتتى.

جالپى، ول قازاق كۇرەسىنەن الدى رەسپۋبليكالىق دەڭگەيدە جۇلدە الىپ جۇرگەن بالۋاندارعا ۇنەمى قولۇشىن بەرىپ كەلەدى.

جارىس جاڭگىر حان اتىنداعى باتىس قازاقستان اگرارلىق-تەحنيكالىق ۋنيۆەرسيتەتىنىڭ (رەكتورى اسقار نامەتوۆ) جاڭادان سالىنعان، ادەمى بەزەندىرىلگەن سپورت كەشەنىندە ءوتتى.