يلون ماسكتىڭ عارىش كەمەسى العاش رەت جارىلماي ۇشىپ- قوندى

Starship كەمەسىنىڭ پروتوتيپى، SN15 كەمەسىنىڭ ۇشىرىلۋى ءساتتى ءوتتى. ول اۋەلى 10 شاقىرىم بيىككە كوتەرىلىپ، ودان كەيىن تەحاستاعى عارىش ايلاعىنا قوندى، دەپ حابارلايدى قازاقپارات.

Starship- ءتى بۇعان دەيىنگى ءتورت سىناعى ءتۇرلى سەبەپتەرمەن ءساتسىز وتكەن. عارىش كەمەسى قونار كەزدە نە اۋەدە جارىلعان. ونىڭ پروتوتيپىنىڭ ءبىرى ءساتتى قوندى، الايدا كوپ ۇزاماي ءورت شىعىپ، جانىپ كەتتى.

SN15 ۇشىرىلىمى پروبلەماسىز ءوتتى. كەمە مەتانمەن جۇمىس ىستەيتىن Raptor قوزعالتقىشىنىڭ كومەگىمەن بەرىلگەن اۋەگە كوتەرىلدى. ودان كەيىن قوزعالتقىشتارى ءوشىرىلىپ، اپپارات كولدەنەڭ قالىپقا ءوتىپ، تومەندەي باستاعان. SpaceX جوسپارىنا سايكەس، بولاشاقتا عارىش كەمەلەرى عارىشتان جەرگە ءدال وسىلاي ورالادى.

ۇشۋدىڭ سوڭعى كەزەڭى - زىمىراننڭ كولدەنەڭنەن باسقا قالىپقا اۋدارىلدى، قونۋى دا جوسپارعا سايكەس ءوتتى. الاڭداۋعا ءبىر عانا سەبەپ بولعان - جەرگە قونار كەزدە، كەمەدەن ءورت شىقتى. الايدا جالىن تەز ءسوندىرىلدى. امەريكانىڭ ناسا عارىش اگەنتتىگى Starship جوباسىنا ۇلكەن قىزىعۋشىلىعىن تانىتىپ وتىر، سەبەبى ءدال وسى SpaceX استروناۆتتاردى ايعا جەتكىزەتىن كەمەلەردى شىعارۋ قۇقىعىنا يە بولعان.

بولاشاقتا يلون ماسكتىڭ كومپانياسى سونداي- اق مارسقا ارنايى ميسسيالاردى اتتاندىرماق، Starship پلانەتاارالىق ساپاردا بورتىنا 100 ادامعا دەيىن الىپ كەتە الادى دەگەن ءۇمىتى بار.

اۆتور: زارينا تۋعانبايەۆا