وزبەكستاندىقتاردى جاياۋ سەرۋەن ءۇشىن اقشالاي ىنتالاندىرادى

اقشا الۋ ءۇشىن وزبەكستاندىقتار «سالاۋاتتى ءومىر سالتى» قوسىمشاسىن تەلەفوندارىنا ورناتىپ، ەلەكتروندى ۇكىمەتتىڭ قولدانۋشىلاردى ءبىرىڭعاي يدەنتيفيكاتسيالاۋ جۇيەسىنە تىركەلىپ، انتروپومەتريالىق دەرەكتەر مەن ەلەكتروندى شوت ءنومىرىن كورسەتۋ كەرەك. اقشالاي تولەم العا قويىلعان ماقسات تابىستى ورىندالعان كەزدە اۆتوماتتى تۇردە ءتۇسىپ وتىرادى.

پلاتفورما 10 - مامىردان باستاپ تەست رەجيمىندە، 1 - ماۋسىمنان باستاپ تولىق فورماتتا جۇمىس ىستەمەك. وسىلايشا، 18 جانە ودان جوعارى ازاماتتار 10 مىڭ قادام نورماسىن ورىنداعانى ءۇشىن كۇندەلىكتى 3 مىڭ سوم (شامامەن 125 تەڭگە) الا الادى. سونىمەن قاتار ەگەر ءوز قالاسىندا، وبلىسىندا جانە رەسپۋبليكا بويىنشا ۇزدىك دەپ تانىلسا، تيىسىنشە ونىڭ ايىنا 300 مىڭ، 500 مىڭ جانە 1 ميلليون سوم تابىس تابۋ مۇمكىندىگى بار.

بۇل تولەمدەر الكوگول جانە تەمەكى بۇيىمدارىن وندىرۋشىلەردەن الىنعان جيناق ەسەبىنەن تولەنەدى. وزبەكستاندىقتاردى جاياۋ سەرۋەندەۋ ءۇشىن ىنتالاندىرۋ وتكەن جىلى «سالاۋاتتى ءومىر سالتىن كەڭىنەن ەنگىزۋ جانە ءارى قاراي بۇقارالىق سپورتتى دامىتۋ بويىنشا شارالار تۋرالى» وزبەكستان پرەزيدەنتىنىڭ قاۋلىسىندا جازىلعان ەدى. سايكەس جۇيەنى قۇرۋ 2020 -جىلدىڭ قاراشاسىندا باستالعان.

اۆتور: ءبيبىحان سەرىكوۆا