قازاقستانداعى ا ق ش ەلشىلىگى اۋىزاشارعا ارناپ شەلپەك، باۋىرساق ءپىسىرىپ تاراتتى - ۆيدەو

ەلشىلىك قىزمەتكەرلەرى تاماق ازىرلەپ، شەلپەك، باۋىرساق ءپىسىرىپ مۇقتاج جاندارعا تاراتقان ۆيدەوسىمەن ءبولىستى دەپ حابارلايدى قازاقپارات.

«قاسيەتتى رامازان ايى مۇباراك بولسىن! قۇراندا قۇداي «ەي، ادام بالاسى!... ءبىر-ءبىرىڭدى تانۋلارىڭ ءۇشىن سەندەردى ۇلتتار، رۋلار قىلدىق. شىنىندا اللانىڭ قاسىندا ەڭ ارداقتىلارىڭ تاقۋالارىڭ» (ءال- حۋجۋرات 13) دەلىنگەن. ءدال وسىنداي رۋحتى ۇستانعان نۇر-سۇلتانداعى ەلشىلىگىمىزدە ا ق ش- تىڭ تەڭىز جاياۋ اسكەرلەرى، سونداي- اق وكىلدىگىمىزدەگى ەرىكتىلەر اۋىزاشارعا قوسىمشا دەپ ءبىراز تاعام دايىندايمىز دەپ شەشىم قابىلدادى»، دەلىنگەن حابارلامادا. «قاسيەتتى رامازان ايىندا ءوز ەرىكتەرىمەن تاماق دايىنداپ، ونى مۇقتاج جاندارعا جەتكىزگىسى كەلەتىندىگى تۋرالى ماعان حابارلادى. ىقىلاس پەن ۆولونتەرلىك امەريكالىق ءداستۇردىڭ ءبىر بولىگى. جانە مەن ولاردىڭ وسى ىنتالارىن قازاقستاندا جالعاستىرىپ جاتقانىنا قۋانامىن»، دەدى قازاقستانداعى ا ق ش ەلشىسى ۋيليام موزەر. ول ەلشىلىكتە وسىنداي مەيىرىمدى جانە قامقور ارىپتەستەردىڭ بولعانىن ماقتان ەتەتىنىن جەتكىزدى.

«وسى ايدا قازاقستاندىق جانە امەريكالىق مۇسىلمانداردىڭ كوپشىلىگى پاندەمياعا بايلانىستى رامازان ايىن وقشاۋلانۋ رەجىمىندە وتكىزۋدە. الەۋمەتتىك ارا قاشىقتى ساقتاپ، ماسكا كيۋ تەك بيىلعى ورازادا عانا قاجەت بولادى دەپ سەنەمىن. بەرەكەلى اي بولسىن!»، - دەدى ەلشى.