ەۋرو وداق رەسەي مەن ۋكراينا شەكاراسىنداعى احۋالعا الاڭداۋلى
مالىمدەمە وداققا مۇشە ەلدەردىڭ سىرتقى ىستەر مينيسترلەرى كەڭەسىنىڭ بەينەكونفەرەنسياسىندا جاسالدى. اۋەلدە ونلاين كەزدەسۋدە ۋكراينا مەن گرۋزيا پروبلەمالارى، سونداي- اق يراننىڭ يادرولىق كەلىسىمى توڭىرەگىندەگى احۋالدى تالقىلاۋ جوسپارلاعان ەدى. الايدا قاتىسۋشىلار قوسىمشا رەسەي مەن ۋكراينا شەكاراسىنداعى جاعدايعا قاتىستى ماسەلە كوتەردى.
جالپى بەينەكونفەرەنسيا قورىتىندىسى بويىنشا ەۋروداق ميانماعا قارسى سانكسيالاردى كۇشەيتتى. بۇل مەملەكەتتە اقپاندا اسكەريلەر بيلىكتى باسىپ العان ەدى.
جوزەپ بوررەل، ە و سىرتقى ىستەر جانە قاۋىپسىزدىك ساياساتى جونىندەگى جوعارعى وكىلى:
- ۋكراينامەن اراداعى شەكارادا رەسەيدىڭ 150 مىڭنان اسا اسكەري قىزمەتكەرى ورنالاستىرىلعان. بۇل شيەلەنىستىڭ ءورشىپ كەتۋ قاۋپى بار ەكەنىن بىلدىرەدى. قازىر ەكى ەل شەكاراسىنا دالا گوسپيتالدەرى قۇرىلىپ جاتىر. بۇل اقپاراتتى قايدان العانىمدى ايتا المايمىن. ءبىراق بۇل الاڭداتاتىن ماسەلە.