20:46, 20 - ءساۋىر 2021 | GMT +6
ۆلاديمير پۋتين دجو بايدەننىڭ شاقىرۋىن قابىلدادى
نۇر- سۇلتان. قازاقپارات - ۆلاديمير پۋتين ا ق ش باسشىسى دجو بايدەننىڭ شاقىرۋىن قابىلدادى. وسىلايشا رەسەي پرەزيدەنتى بەينەكونفەرەنسيا تۇرىندە 22 - ساۋىردە وتەتىن كليمات ماسەلەلەرىنە ارنالعان سامميت جۇمىسىنا قاتىسادى.
بۇل تۋرالى «دويچە ۆەلە» تەلەراديوستانسياسى حابارلادى. اتالعان جيىندا عالامدىق جىلىنۋدىڭ كەرى اسەرىن بولدىرماۋعا باعىتتالعان حالىقارالىق ىنتىماقتاستىق بارىسى تالقىلانباق.
ەستەرىڭىزگە سالا كەتەيىك، وسىنىڭ الدىندا بايدەن پۋتينگە قوڭىراۋ شالىپ، جاقىن ايلاردا بەيتاراپ ەلدە كەزدەسۋدى ۇسىنعان ەدى. سونداي- اق ا ق ش- تىڭ رەسەيدەگى ەلشىسى دجون سالليۆان ماسكەۋدەن كەتۋدەن باس تارتتى. وعان رەسەيدىڭ سىرتقى ىستەر مينيسترلىگى ەلدەن كەتۋگە كەڭەس بەرگەن بولاتىن.
www.24.kz