+7 (701) 759 90 19
+20 °С : نۇر-سۇلتان
+24 °С : الماتى
USD 427.22 EUR 519.71
RUB 5.78 CNY 66.52
جاڭالىقتار

كوروناۆيرۋس بويىنشا الەمدەگى احۋال

20 ءساۋىر 19:40
:ءبولىسۋ
كوروناۆيرۋس بويىنشا الەمدەگى احۋال

نۇر- سۇلتان. قازاقپارات - ءۇندىستاندا كوروناۆيرۋس ىندەتى ءورشىپ، ءدارى- دارمەك جەتىسپەۋدە. ا ق ش- تا كوروناۆيرۋستان 130 ميلليون ادام ۆاكسينالاندى.

پورتۋگاليا، شۆەيساريا مەن سلوۆەنيادا كارانتيندىك شەكتەۋلەر جەڭىلدەتىلدى، دەپ حابارلايدى قازاقپارات.

ءۇندىستان اۋرۋحانالارىندا توسەك- ورىن، وتتەگى قورى جانە قاراپايىم ءدارى- دارمەكتەر جەتىسپەۋدە. دۇيسەنبىدەن باستاپ دەلي قالاسىندا التى كۇنگە لوكداۋن جاريالاندى. ويتكەنى قالادا وتكەن 24 ساعات ىشىندە 273,8 مىڭ ادام ىندەتتى جۇقتىرىپ، تاۋلىكتىك سىرقاتتانۋشىلىقتىڭ جاڭا رەكوردتىق كورسەتكىشىن كورسەتتى.

كانادانىڭ ونتاريو پروۆينتسياسىندا ىندەتتىڭ كۇرت ءوسۋى بايقالعان. ەلدىڭ پرەمەر- ءمينيسترى بۇل جاعداي الاڭداتارلىق ەكەنىن جەتكىزدى. پروۆينتسياعا قوسىمشا اۋرۋحانا جابدىقتارى مەن مەديتسينالىق قىزمەتكەرلەر جىبەرىلەدى.

ا ق ش بيلىگى ۆاكسيناتسيا ناۋقانىنىڭ ماڭىزدى كەزەڭىن اتاپ ءوتتى: ەلدە ەرەسەكتەردىڭ جارتىسى ۆاكسينانىڭ كەم دەگەندە ءبىر دوزاسىن العان - بۇل شامامەن 18 جاستان اسقان 130 ميلليون ادام. جازعى دەمالىس ماۋسىمى قارساڭىندا گرەتسيا جاڭا ەرەجە ەنگىزدى: تولىق ۆاكسيناتسيادان وتكەن نەمەسە تەرىس ناتيجەسى بار انىقتاما كورسەتكەن ە و، ۇلى بريتانيا جانە ا ق ش ازاماتتارى مىندەتتى اپتالىق كارانتيننەن بوساتىلادى.

تايلاند بيلىگى اپتا بويى سىرقاتتانۋدىڭ رەكوردتىق كورسەتكىشى تىركەلگەننەن كەيىن ستاتيستيكانىڭ ازداپ تومەندەگەنىن اتاپ ءوتتى. سوڭعى تاۋلىكتە ەلدە تەك 1390 ادام اۋىرىپ قالدى، بۇل جەرگىلىكتى دارىگەرلەردىڭ ايتۋىنشا، ءوپتيميزمدى تۋدىرادى. سوڭعى ۋاقىتتا كۇندەلىكتى كورسەتكىشتەر 1700 ادامنان تومەن بولماعان. ⠀

پورتۋگاليادا دۇيسەنبىدەن باستاپ مەيرامحانالار، ساۋدا ورتالىقتارى، مەكتەپتەر مەن ۋنيۆەرسيتەتتەر اشىلادى. بيلىك شەكتەۋ شارالارىنىڭ جەڭىلدەتىلۋىنە بايلانىستى الەۋمەتتىك اراقاشىقتىقتى ساقتاۋ ەرەجەلەرىن جانە باسقا دا ەپيدەميولوگيالىق نورمالاردى قاتاڭ ساقتاۋ وتە ماڭىزدى ەكەنىن جەتكىزدى. بۇزۋشىلىقتار ءۇشىن ۇلكەن ايىپپۇلدار قاراستىرىلعان.

شۆەيتساريا دا ءبىرقاتار شەكتەۋ شارالارىن جەڭىلدەتتى. مەيرامحانالار مەن كافەلەر اشىق تەرراسسالاردا كليەنتتەرگە قىزمەت كورسەتۋگە ورالدى، كەيبىر سپورت نىساندارى اشىلدى، ستۋدەنتتەر دۇيسەنبىدەن باستاپ كۇندىزگى وقۋعا ورالادى.

سلوۆەنيادا قىزمەت كورسەتۋ سالاسىنىڭ ەداۋىر بولىگى، ونىڭ ىشىندە مەيرامحانالار مەن سۇلۋلىق سالوندارى قايتا اشىلۋدا. چەرنوگوريادا دۇيسەنبىدەن باستاپ وقۋشىلار مەكتەپتەرىنە ورالادى.



#الةم  
:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات