قازاقستان- رەسەي عالىمدارى ەكى ەل تاريحىنداعى اقتاڭداقتى بىرلەسىپ جويادى

«بيىل قازاقستان تاۋەلسىزدىگىنىڭ 30 جىلدىق مەرەيتويىن اتاپ وتەدى. ياعني، بۇل جىل قورىتىندى شىعارۋ مەن وتكەن جولدى ۇعىنۋدىڭ ماڭىزدى كەزەڭى ءارى شەبى بولماق. وسى ورايدا جاڭا زامان تاريحى قازاقستان- رەسەي ىنتىماقتاستىعىنىڭ قارىشتى دامۋى مەن جوعارى ناتيجەلىلىگى ءوزارا قۇرمەت، تەڭ قۇقىلىق جانە ستراتەگيالىق ارىپتەستىك قاعيداتتارىنا نەگىزدەلگەنىن كورسەتتى. بۇل ەكى ەلدىڭ كوشباسشىلارى، قازاقستان رەسپۋبليكاسى مەن رەسەي فەدەراتسياسىنىڭ ءبىرىنشى پرەزيدەنتتەرى ن. ءا. نازاربايەۆ پەن ب. ن. ەلتسين، ق ر جانە ر ف پرەزيدەنتتەرى ق. ك. توقايەۆ پەن ۆ. ۆ. ءپۋتيننىڭ، مەملەكەتتىك جانە قوعام قايراتكەرلەرىنىڭ، سونداي- اق عىلىمي- ساراپشىلىق قوعامداستىقتىڭ زور ەڭبەگى»، - دەدى ول.

ونىڭ اتاپ وتۋىنشە، حالىقارالىق عىلىمي- تاجىريبەلىك كونفەرەنسيا جۇمىسى ەكى سەسسيا اياسىندا ءوتتى. «قازاقستان- رەسەي قارىم- قاتىناسى: تاريحتان بۇگىنگە دەيىن» اتتى ءبىرىنشى سەسسياسىنىڭ اياسىندا ەكى ەلدىڭ تاتۋ كورشىلىك قاتىناستارىنىڭ نەگىزى رەتىندە حالىقتار اراسىنداعى تاريحي- مادەني بايلانىس ماسەلەلەرى تالقىلاندى. سونداي- اق، قازاق حاندىعى مەن رەسەي مەملەكەتى اراسىندا 16-17 عاسىرلارداعى قاتىناستاردىڭ العاشقى كەزەڭىندەگى ديپلوماتيالىق بايلانىستار تاريحىنا قاتىستى تىڭ ماسەلەلەرى قوزعالدى. ال « ⅩⅩعاسىر جانە تاۋەلسىزدىك. قازاقستان مەن رەسەي اراسىنداعى ستراتەگيالىق سەرىكتەستىك پەن وداقتاستىقتى دامىتۋ» تاقىرىبىنداعى ەكىنشى سەسسيا جۇمىسى XX عاسىردىڭ تاريحى مەن پوستكەڭەستىك كەزەڭدە ەكىجاقتى قاتىناستاردىڭ قۇقىقتىق نەگىزدەرىن نىعايتۋداعى مەملەكەتارالىق ءوزارا ارەكەتتەسۋدىڭ تۇراقتىلىق پەن قاۋىپسىزدىك كەپىلى ماسەلەسىنە، قازىرگى گەوساياسي پروتسەستەر كونتەكستىندەگى قازاقستان- رەسەي قاتىناستارىن تالداۋ سۇراقتارىنا ارنالدى.

«حالىقارالىق كونفەرەنتسيا قازاقستاندىق جانە رەسەيلىك عالىمداردىڭ تاريحي مۇرانىڭ وبەكتيۆتى جانە تەڭگەرىمدى باعالانۋىن ىلگەرىلەتۋگە ءارى تاۋەلسىز دامۋدىڭ جاڭا كەزەڭىندە ەكىجاقتى قاتىناستاردىڭ سەنىمدى، تاتۋ كورشىلىك نەگىزدەرىن نىعايتۋعا بىرلەسە اتسالىسۋ ءداستۇرىن جالعاستىردى. عىلىمي فورۋم ەكى مەملەكەت اراسىنداعى قاتىناستار تاريحىنداعى «اقتاڭداقتى» جويۋ بويىنشا قازاقستاندىق جانە رەسەيلىك تاريحشىلاردىڭ بىرلەسكەن جۇمىسىنىڭ باستالۋىنا نەگىز بولادى»، - دەدى الۋا جولدىبالينا.

ايتا كەتەيىك، ق ر- نىڭ ر ف- داعى ەلشىلىگىنىڭ قولداۋىمەن وتكەن كونفەرەنسيانى ق ر پرەزيدەنتى جانىنداعى قازاقستان ستراتەگيالىق زەرتتەۋلەر ينستيتۋتى مەن رەسەي عىلىم اكادەمياسىنىڭ شىعىس تانۋ ينستيتۋتى ۇيىمداستىردى. عىلىمي فورۋم جۇمىسىنا قازاقستاندىق جانە رەسەيلىك تاريحشى- عالىمدار، ساياساتتانۋشىلار، حالىقارالىق قاتىناستار ماماندارى، ق ر جانە ر ف پارلامەنتتەرىنىڭ دەپۋتاتتارى قاتىستى.