جاڭا قاۋلى: ش ق و اۋماعىنا كىرىپ- شىعۋعا شەكتەۋ قويىلدى

ش ق و باس مەملەكەتتىك سانيتارلىق دارىگەرىنىڭ جاڭا قاۋلىسى جاريالاندى. وندا جازىلعانداي، ءوڭىر بويىنشا كارانتين 3-مامىرعا دەيىن ۇزارتىلدى. شەكتەۋ شارالارىنىڭ مەرزىمى وبلىس اۋماعىندا COVID-19 ينفەكتسياسىنىڭ تارالۋى بويىنشا احۋالدىڭ وزگەرۋىنە سايكەس قايتا قارالۋى مۇمكىن. بۇگىندە كوروناۆيرۋس جۇقتىرعان ناۋقاستاردى ەمدەۋگە ارنالعان ينفەكتسيالىق ستاتسيونارلارداعى توسەك قورىنىڭ تولتىرىلۋ دەڭگەيى -% 6,4. وبلىس بويىنشا ينفەكتسيانىڭ رەپرودۋكتيۆتىك R سانى - 1,372.

«بورودۋليحا، شەمونايحا، ءۇرجار، زايسان، اياگوز اۋداندارى مەن سەمەي قالاسىنىڭ اكىمدەرى، ش ق و دەنساۋلىق ساقتاۋ باسقارماسى، شقو مەملەكەتتىك كىرىستەر جانە پوليتسيا دەپارتامەنتتەرى، قالالار مەن اۋدانداردىڭ سانيتارلىق- ەپيدەميلوگيالىق باقىلاۋ باسقارمالارى الماتى وبلىسى تاراپىنا قويىلاتىن – 2، قاراعاندى وبلىسىنىڭ تۇسىنداعى - 1 جانە اياگوز اۋدانى اۋماعىنداعى 2 سانيتارلىق بەكەتتىڭ جۇمىسىن قامتاماسىز ەتۋى ءتيىس. «قىزىل» ايماقتاعى وڭىردەن كەلەتىن ادامدا سانيتارلىق بەكەتتەردى كەسىپ وتكەن كەزدە COVID-19 ينفەكتسياسىنىڭ جوقتىعىن راستايتىن پتر- سىنامانىڭ تەرىس ناتيجەسى تۋرالى (مەرزىمى ءۇش تاۋلىكتەن اسپايتىن) انىقتامانىڭ بولۋى مىندەتتى. ءبىراق بۇل تالاپ اياگوز اۋدانى شەكاراسىنداعى وبلىسىشىلىك سانيتارلىق بەكەتتەرگە قولدانىلمايدى»، - دەلىنگەن قۇجاتتا.

سونىمەن قاتار وسكەمەن، سەمەي قالالارى مەن اياگوز اۋدانىنىڭ اكىمدەرى، مەملەكەتتىك، قۇقىق قورعاۋ جانە ارنايى ورگاندار الەۋمەتتىك- ەكونوميكالىق وبەكتىلەردە كارانتين شەكتەۋلەرىنىڭ ساقتالۋىن قاداعالاۋى ءتيىس.

« قىزىل «ايماققا كىرگەن اتالعان 3 قالاداعى وبەكتىلەردىڭ جۇمىسىنا ءبىرقاتار شەكتەۋ ەنگىزىلگەن. اتاپ ايتقاندا، عيمارات سىرتىنداعى ازىق- تۇلىك جانە شارۋاشىلىق زاتتار ساۋدالايتىن بازارلار سەنبى كۇنى ساعات 17.00 گە دەيىن جۇمىس ىستەپ، جەكسەنبى كۇنى جابىق بولادى. عيماراتتاردىڭ ىشىندەگى بازارلار دەمالىس كۇندەرى مۇلدە جۇمىس ىستەمەيدى. ازىق- تۇلىك ەمەس تاۋارلاردى ساتاتىن ساۋدا وبەكتىلەرى جۇمىس كۇندەرى عانا ساعات 21.00-گە دەيىن كەلۋشىلەردى قابىلدايدى. ال قوعامدىق تاماقتانۋ وبەكتىلەرى ساعات 09.00-دەن 20.00-گە دەيىن اشىق بولادى. سونداي- اق مەكتەپكە دەيىنگى بالالار مەكەمەلەرىندە 15 ادامنان اسپايتىن توپتاردى جيناقتاۋ ساقتالعان كەزدە كەزەكشى توپتاردىڭ بولۋىنا رۇقسات بەرىلگەن. كورەرمەندەردىڭ قاتىسۋىمەن بۇقارالىق سپورتتىق ءىس- شارالاردى وتكىزۋگە دە تىيىم سالىندى»، - دەلىنگەن قاۋلىدا.