سوي كوروناۆيرۋس بويىنشا جاڭا بولجامىن ايتتى
دەنساۋلىق ساقتاۋ ءمينيسترى حالىقتى ۆاكسيناتسيالاۋدى ەسكەرىپ، كوروناۆيرۋس ينفەكسياسىنىڭ تارالۋى بويىنشا بولجام قالاي بولاتىنىن ايتتى.
«وپتيميستىك سەناري بويىنشا ۆاكسيناتسيانى جالعاستىرۋ كەزىندە كەستەگە سايكەس تاۋلىگىنە ءۇش مىڭعا دەيىن كوروناۆيرۋس جۇقتىرۋ دەرەگى جانە ءساۋىردىڭ سوڭىندا شىڭى تىركەلەدى دەپ كۇتىلەدى.
ناقتى سەناري مەن كەستەگە سايكەس ۆاكسيناتسيامەن قامتۋ كەزىندە مامىردىڭ ورتاسىندا تاۋلىگىنە ءتورت مىڭ جاعدايعا جەتۋى مۇمكىن»، - دەدى سوي ۇكىمەت وتىرىسىندا.
ءمينيستردىڭ ايتۋىنشا، ءبىرىنشى كەزەڭدە ۆاكسيناتسيادان بولاتىن اسەر يممۋنيتەتتى قالىپتاستىرۋعا قاجەتتى ۋاقىتپەن شەكتەلەدى. كەيىننەن ۆاكسيناتسيانىڭ اسەرى كۇشەيىپ، ەلدەگى ەپيدەميولوگيالىق جاعدايدىڭ تۇراقتانۋىنا اسەر ەتەدى.
20-ساۋىردەگى مالىمەت بويىنشا، قازاقستاندا 733980 ادام كوروناۆيرۋسقا قارسى ۆاكسينا سالدىرعان. الايدا دەنساۋلىق ساقتاۋ مينيسترلىگى ۆاكسينانىڭ العاشقى دوزاسىن قانشا ادام العانى بەلگىسىز.