ماتريتسا: قىزىل ايماقتاعى وڭىرلەر سانى ارتتى

None
None
نۇر-سۇلتان. قازاقپارات – ق ر ۇكىمەتى جانىنداعى قازاقستاندا كوروناۆيرۋستىڭ تارالۋىنا جول بەرمەۋ جونىندەگى ۆەدومستۆوارالىق كوميسسيانىڭ Telegram كانالىندا ەلىمىزدىڭ وڭىرلەرىندەگى ەپيدەميولوگيالىق جاعدايدى باعالاۋ ماتريتساسى جاريالاندى، دەپ حابارلايدى قازاقپارات.

2021 -جىلدىڭ 20-ساۋىرىندەگى جاعدايى بويىنشا: «قىزىل ايماقتا» نۇر-سۇلتان، الماتى، شىمكەنت قالالارى مەن اقمولا، اتىراۋ، اقتوبە، باتىس قازاقستان جانە قاراعاندى وبلىستارى تۇر. «سارى ايماقتا» الماتى، شىعىس قازاقستان، جامبىل، قىزىلوردا، پاۆلودار، سولتۇستىك قازاقستان جانە ماڭعىستاۋ وبلىستارى تۇر.

«جاسىل ايماقتا» ازىرگە قوستاناي مەن تۇركىستان وبلىستارى عانا.

ەسكە سالا كەتسەك، كەشە اقمولا وبلىسى «قىزىل ايماقتان» شىعىپ «سارى ايماققا» وتكەن بولسا، بۇگىن قايتادان «قىزىل ايماقتا» ورنالاستى.

اۆتور: ەسىمجان ناقتىباي

سوڭعى جاڭالىقتار