پرەزيدەنت تاپسىرماسى: جول جوندەۋدەگى جۇمىستى بوساڭسىتقانى ءۇشىن ءبىرقاتار شەنەۋنىك قىزمەتىنەن بوساتىلدى
بۇل تۋرالى ق ر پرەزيدەنتىنىڭ باسپا ءسوز حاتشىسى بەرىك ءۋالي ءمالىم ەتتى، ، دەپ حابارلايدى قازاقپارات.
«پرەزيدەنت قاسىم-جومارت توقايەۆتىڭ تاپسىرماسى بويىنشا رەسپۋبليكالىق جانە جەرگىلىكتى جولداردىڭ قۇرىلىسى مەن جوندەۋ جۇمىستارىن رەتكە كەلتىرۋ جالعاسىپ جاتىر. وسى سالاداعى جۇمىستاردى جانە باقىلاۋدى بوساڭسىتىپ العانى ءۇشىن يندۋستريا جانە ينفراقۇرىلىمدىق دامۋ مينيسترلىگى اۆتوموبيل جولدارى كوميتەتىنىڭ ءتوراعاسى س. بارماقوۆ، باتىس قازاقستان، سولتۇستىك قازاقستان جانە اقتوبە وبلىستارى اكىمدەرىنىڭ ورىنباسارلارى ت. شاكىموۆ، ي. تۋركوۆ جانە ن. قالاۋوۆتار قىزمەتىنەن بوساتىلدى»، دەپ جازدى بەرىك ءۋالي Facebook - تەگى پاراقشاسىندا.
ونىڭ ايتۋىنشا، ۇكىمەت، اكىمدەر، قۇقىق قورعاۋ ورگاندارى بيۋجەت قارجىسىنىڭ ءتيىمسىز جۇمسالۋىنىڭ الدىن الۋ، جول قۇرىلىسى سالاسىنداعى كەلەڭسىزدىكتەردى جويۋ ءۇشىن شارالار قابىلداپ جاتىر.