بالا تۇتىعىپ سويلەسە نە ىستەۋ كەرەك؟

None
None
نۇر-سۇلتان. قازاقپارات - بالانىڭ ءتىلى شىعا باستاعاندا بىلدىرلاپ سويلەيتىنى بەلگىلى. كەيدە كەكەشتەنىپ، تۇتىعىپ سويلەۋى دە مۇمكىن. بۇل - زاڭدىلىق.

ال بۇل ادەتىن بالا ۇزاق ۋاقىت قويماسا شە؟

مەديتسينادا كەكەشتىك دەگەن تۇسىنىك جوق. بالانىڭ باسىندا ءتىلى شىقپاي، تۇتىعىپ سويلەۋى قالىپتى جاعداي ءارى ۋاقىت وتە كەلە كەتەدى.

ءبىراق مىناداي جاعدايلاردا بالانى دارىگەرگە نە لوگوپەدكە اپارۋ كەرەك:

- بالا 3-6 اي بويى كەكەشتەنىپ جۇرسە ءارى ءجيى-ءجيى ءتىلى بايلانىپ قالا بەرسە؛

- جانۇيادا نە اۋلەتتە تۇتىعاتىن ادام بولسا (تۇقىمنان)؛

- بالا تۇتىعىپ سويلەيتىنىن ءبىلىپ، ودان ۇيالسا.

لوگوپەد بالاعا ءسوزدى جىلدام نە اقىرىن ايتقىزىپ، ءتىلىن جاتتىقتىرۋعا كومەكتەسەدى. ءارى بالاعا قىسىلماۋدى، ۇيالماۋدى ۇيرەتەدى.

اتا-اناعا مىنانداي كەڭەس بەرۋگە بولادى:

- بالا العاشقى كەزدە تۇتىعىپ سويلەپ، ءبىراز كەكەشتىك بايقالسا، قارا اسپاندى ءتوندىرۋدىڭ قاجەتى جوق. بۇل بالاعا دا زيان، وزىنەن-ءوزى قىسىلاتىن بولادى. سودان ءتىل كەمىستىگىنە اكەلۋى مۇمكىن.

- بالامەن كوبىرەك سويلەسىڭىز، ءسوزىن بارىنشا اياعىنا دەيىن تىڭداۋ كەرەك. مەيىرىم مەن ماحاباتتان كەندە قالماسىن. بارىنشا تۇسىنۋگە تىرىسۋ قاجەت. ءارى ءسوزدى نە سويلەمدى اياقتاي الماي جاتسا، ونىڭ ورنىنا ءسىز جالعاپ، ءسوزىن اياقتاماڭىز. ءوزى سويلەسىن.

- بالاعا قوعام نە وتباسى مۇشەلەرى تاراپىنان قىسىم بولماسىن. مۇنىڭ بارىنشا الدىن العان ءجون.

- ەگەر بالادا راسىمەن تۇتىعۋ، كەكەشتىك بارى بەلگىلى بولسا، بالاعا ونى تۇسىندىرگەن ابزال ءارى ونىمەن بىرگە ەكەنىڭىزدى ۇقتىرىڭىز.

- لوگوپەدپەن اقىلداسىپ، بالانىڭ ءتىلىن جوندەۋگە تىرىسۋ قاجەت.

تۇتىعۋدىڭ پايدا بولۋ سەبەبى

ستاتيستيكاعا سۇيەنسەك، الەمدە دۇنيەگە كەلگەن 20 بالانىڭ بىرەۋى كەكەش بوپ تۋادى ەكەن. اۋرۋدىڭ بەلگىلەرى 2-5 جاستا بايقالادى. ءبىراق ۋاقىت وتە كەلە كەتەدى. كەيدە ءبىر اپتادان بىرنەشە جىلعا دەيىن جالعاسۋى مۇمكىن. ال كەيبىرى سول بەتى قالىپ قويۋى ىقيمال.

ياعني العاشىندا تۇتىعىپ سويلەپ جۇرگەن بالالاردىڭ كەيىن 1 پايىزعا جۋىعى سول كۇيى سويلەي الماي قالادى. بالا دامۋىندا ءبىر كەمىستىك بولدى دەگەن ءسوز.

كەكەشتىك - تۇقىممەن، گەن ارقىلى بەرىلەتىن دەرت. كەكەشتىككە دۋشار ەتەتىن ارنايى گەن بولاتىن كورىنەدى. مۇنى مەديتسينا كەيىن انىقتادى.

بالا تۋعاندا نە جۇرە كەلە جاراقات السا، مي قاباتى جاراقاتتانسا، سودان كەكەشتىك پايدا بولۋى مۇمكىن. شوك السا دا، پسيحوگەندى دەرتكە تاپ بولادى.

كوبىنە، ۇل بالا كەكەشتىككە «بەيىم» كەلەتىن كورىنەدى.

massaget.kz

سوڭعى جاڭالىقتار