ق ر ۇ ق ك: اتىراۋ وبلىسىنىڭ كوپتوعاي اۋىلىنا قاتىستى تاراعان ۆيدەو - مونتاجدالعان

بۇل تۋرالى ق ر ۇلتتىق قاۋىپسىزدىك كوميتەتى شەكارا قىزمەتى ديرەكتورىنىڭ ءبىرىنشى ورىنباسارى ايدار ايمۋرزين ايتتى، دەپ حابارلايدى قازاقپارات ءتىلشىسى.

«سەنبى كۇنى الەۋمەتتىك جەلىدە تاراعان فەيك-ۆيدەوعا قاتىستى ايتار بولسام، ول-مونتاجدالعان. ەكى فراگمەنتتەن مونتاجدالعان. ءبىرىنشىسى، ماڭعىستاۋ وبلىسىندا قازىرگى ۋاقىتتا اياقتالعان وقۋ-جاتتىعۋداعى شىن ۆيدەو. ول جەردە شەكارادان جاپپاي ءوتۋ جانە بوسقىندار لاگەرىن ۇيىمداستىرۋ ەلەمەنتتەرى پىسىقتالدى. ەكىنشىسى دە كوپتوعاي اۋىلىنداعى شىنايى جاعداي، جەرگىلىكتى تۇرعىنداردىڭ ناقتى جيىنى»، - دەدى ايدار ايمۋرزين.

ونىڭ اتاپ وتۋىنشە، وسى ەكى وقيعانى بىرىكتىرگەن ساتتە كوپتوعاي اۋىلىندا بولعان جايت بۇرمالانىپ كورسەتىلگەن.

«ايتا كەتەرلىگى، قازىرگى ۋاقىتتا وبلىس اكىمدىگىنىڭ ءبىزدىڭ وبلىستىق دەپارتامەنتتىڭ باسشىلىعىمەن جينالىس ءوتىپ جاتىر. ازىرشە جاعداي تۇراقتى، جەرگىلىكتى تۇرعىندار تۇسىنىستىك تانىتىپ وتىر. بىزدە تۋىنداعان بارلىق ماسەلەنى ەسكەرۋگە تىرىسامىز. تاعى دا قايتالاپ ايتامىن، جەرگە قاتىستى شەگىنىس جوق. تۇرعىنداردىڭ سۋعا بارۋ مۇمكىندىگى ساقتالعان. بۇعان قوسا، سۋعا مۇنان دا ىڭعايلى جەتۋ ماسەلەسى شەشىلەتىن بولادى»، - دەدى ول.

ەسكە سالايىق، ب يىلعى 14- ساۋىردە اتىراۋ وبلىسى، قۇرمانعازى اۋدانىنىڭ كوپتوعاي اۋىلىندا رەسەيدىڭ استراحان وبلىسىمەن شەكاراسىندا جاڭا شەكارالىق قورشاۋ تۇرعىزىلا باستاعان بولاتىن.

جۇمىستاردى ق ر ۇ ق ك اسكەري قىزمەتشىلەرى جۇرگىزدى. ال بۇگىن شەكارا قىزمەتكەرلەرى ورناتقان باعانالاردى قايتا الىپ تاستاعانى بەلگىلى بولدى.