ولەگ بولتين ەركىن كۇرەستەن ازيا چەمپيونى اتاندى

None
None
نۇر- سۇلتان. قازاقپارات - الماتىدا كۇرەس تۇرلەرىنەن ازيا چەمپيوناتى مارەگە جەتتى، دەپ حابارلايدى قازاقپارات ءتىلشىسى.

قازاقستاندىق ولەگ بولتين 125 ك گ سالماقتا فينالدا قىرعىزستاندىق ايال لازاريەۆپەن بەلدەستى. وتە تارتىستى وربىگەن بەلدەسۋ بارىسىندا قىرعىزستاندىق بالۋان 3:2 ەسەبىمەن الدا تۇردى. سوڭعى سەكۋندتاردا ەكى بالعا باعالانعان ءادىس جاساپ ۇلگەرگەن و. بولتين ەركىن كۇرەستەن قازاقستان قۇراماسى ءۇشىن ءۇشىنشى التىنعا قول جەتكىزدى. وسى اسا اۋىر سالماقتا بۇدان ءبىر جىل بۇرىن يۋسۋپ باتىرمۇرزايەۆ ازيا چەمپيونى اتانعان ەدى.

بيىل وعان قوسا يۋسۋپ باتىرمۇرزايەۆ الماتىدا وتكەن ليتسەنزيالىق تۋرنيردە وليمپيادا جولداماسىن يەلەنگەن بولاتىن. ەندى و. بولتين ازيا بىرىنشىلىگىندە ۇزدىك شىعىپ وتىر. تاعى ءبىر قازاقستاندىق ەلحان اسادوۆ 92 ك گ سالماقتا قولا جۇلدە ءۇشىن باسەكەدە وڭتۇستىككورەيالىق بالۋانعا ەسە جىبەردى. ەسكە سالا كەتەيىك، بۇدان بۇرىن نۇرقوجا قايپانوۆتىڭ ەركىن كۇرەستەن ەكى دۇركىن ازيا چەمپيونى اتانعانىن جازعان بولاتىنبىز.


سوڭعى جاڭالىقتار