الماتىداعى ءا. قاستەيەۆ مۋزەيىندە ۆاكسينا سالۋ ورنى اشىلدى - فوتو

ءا. قاستەيەۆ اتىنداعى ونەر مۇراجايىندا الماتى قالاسىنىڭ №12-ەمحاناسىنان موبيلدى ەگۋ پۋنكتى اشىلدى. ەمحانانىڭ باس دارىگەرىنىڭ مىندەتىن اتقارۋشى توعجان ابىلدايەۆا ولاردىڭ ۆاكسيناتسيا پۋنكتى دە باسقالار سياقتى ساعات 8.00-دەن 20.00-گە دەيىن جۇمىس ىستەيتىنىن ايتتى. «ۆاكسيناتسيادان كەيىن پاتسيەنتتەر «ونەر» كورمە پاۆيلونىنىڭ ەكىنشى قاباتىنا كۇتۋ ءۇشىن وتەدى، وندا دارىگەردىڭ باقىلاۋىمەن 30 مينۋت وتكىزۋ قاجەت. بۇل كەزدە كوڭىلگە جاعىمدى دۇنيە مەن پايدالىنى بىرىكتىرۋگە بولادى»، - دەيدى توعجان ابىلدايەۆا.

اتالعان ەگۋ پۋنكتى «كوكتەم-3» شاعىناۋدانىندا ورنالاسقان. بولمەلەر سانيتارلىق نورمالارعا سايكەس جابدىقتالدى. كۇتۋ زالدارىندا جانە ۆاكسينادان كەيىنگى ايماقتا الەۋمەتتىك قاشىقتىق ساقتالعان. وزىمەن بىرگە جەكە كۋالىك بولۋى ءتيىس. ۆاكسيناتسيا العانداردىڭ قاتارىندا قالا تۇرعىنى ءشامشا اجىبايەۆا بار. ول ەكپەدەن كەيىنگى اسەرىمەن ءبولىستى.

«قازىر ب ا ق پەن ينتەرنەتتە ۆاكسيناتسيا تۋرالى ءجيى ايتىلىپ تا، جازىلىپ تا ءجۇر. مەن اۋىرىپ قالماۋ ءۇشىن ۆاكسينا الۋدى ءجون سانادىم، ءارقايسىمىزدىڭ ۇيىمىزدە تۋعان- تۋىستارىمىز، بالالارىمىز كۇتىپ وتىر، ولارعا قاۋىپ توندىرگىم كەلمەيدى»، - دەيدى الماتىلىق ءشامشا اجىبايەۆا. ايتا كەتەيىك، قازىر قالادا 200 دەن استام ۆاكسينا ەگۋ پۋنكتتەرى بار. حالىقتىڭ بارلىق توپتارى ءۇشىن كوروناۆيرۋس ينفەكسياسىنا قارسى ەكپە تەگىن جۇرگىزىلەدى.