12:10, 12 - ءساۋىر 2021 | GMT +6
بيىل كۇزگە دەيىن قازاقستاندا قانشا ادام ۆاكتسينا الادى؟
نۇر-سۇلتان. قازاقپارات - ق ر دەنساۋلىق ساقتاۋ ءمينيسترى الەكسەي سوي بيىل كۇزگە دەيىن ەلىمىزدە قانشا ادام ۆاكتسينامەن قامتاماسىز ەتىلەتىنىن ايتتى، دەپ حابارلايدى قازاقپارات ءتىلشىسى.
«وندىرۋشىلەرمەن كەلىسسوزدەر جۇرگىزۋدى ەسكەرە وتىرىپ، بيىلعى قىركۇيەك ايىنا دەيىن قازاقستاندا 10 ميلليونعا جۋىق ادامدى نەمەسە قامتىلۋى ءتيىس كونتينگەنتتىڭ 100 پايىزىن ۆاكسيناعا قولجەتىمدىگىن قامتاماسىز ەتۋ جوسپارلانعان»، - دەدى مينيستر ۇكىمەت وتىرىسىندا.
ونىڭ سوزىنە قاراعاندا، دەنساۋلىق ساقتاۋ مينيسترلىگى ەلدەگى جانە الەمدەگى ەپيدەميولوگيالىق احۋالعا تۇراقتى مونيتورينگ جۇرگىزىپ وتىر.
بۇدان بۇرىن حابارلانعانداي، الەكسەي تسوي ەل وڭىرلەرىنە قانشا ۆاكتسينا جەتكىزىلگەنىن ايتتى.
ساۋىردە ەلىمىزدىڭ 2 ميلليونعا جۋىق ادامىن ۆاكتسينالاۋعا قولجەتىمدىگىن قامتاماسىز ەتۋ ەسكەرىلگەن.
سونىمەن قاتار قازىرگى ۋاقىتتا وڭىرلەردەگى يممۋنداۋ ءىس-شارالارى 916 ەكپە پۋنكتىندە جۇرگىزىلىپ جاتىر .