الەكسەي سوي ەل وڭىرلەرىنە قانشا ۆاكتسينا جەتكىزىلگەنىن ايتتى

بۇل تۋرالى ق ر دەنساۋلىق ساقتاۋ ءمينيسترى الەكسەي سوي ايتتى، دەپ حابارلايدى قازاقپارات ءتىلشىسى.

«1- اقپاننان باستاپ وڭىرلەرگە 611 مىڭ دوزا ۆاكتسينا جەتكىزىلدى. ۆاكتسينا جەتكىزۋ بەكىتىلگەن كەستەگە سايكەس كەزەڭ-كەزەڭمەن جۇرگىزىلىپ جاتىر. ەرتەڭ وڭىرلەرگە كەزەكتى 300 مىڭ دوزا جەتكىزىلەدى»، - دەدى مينيستر ۇكىمەت وتىرىسىندا.

ونىڭ ايتۋىنشا، ءساۋىر ايىندا قوسىمشا 1,4 ميلليون دوزانى جەتكىزۋ ەسكەرىلگەن.

«بۇل ءوز كەزەگىندە ساۋىردە ەلىمىزدىڭ 2 ميلليونعا جۋىق ادامىن ۆاكسينالاۋعا قولجەتىمدىگىن قامتاماسىز ەتەدى»، - دەدى الەكسەي سوي.