دينارا ءسادۋاقاسوۆا ينتەرنەتتىڭ ناشارلىعىنان حالىقارالىق تۋرنيرگە قاتىسۋىن توقتاتتى

None
None
نۇر-سۇلتان. قازاقپارات - قازاقستاندىق گروسسمەيستەر دينارا ءسادۋاقاسوۆا ينتەرنەتتىڭ ناشار ۇستاۋىنان Polar Challenge حالىقارالىق تۋرنيرىنە قاتىسۋىن توقتاتتى، دەپ حابارلايدى قازاقپارات ءتىلشىسى.

بۇل تۋرالى شاحماتشىنىڭ ءوزى Facebook-تەگى پاراقشاسى ارقىلى مالىمدەدى.

«قىمباتتى دوستار، ينتەرنەتتىڭ تۇراقسىزدىعىنان Polgar Challenge تۋرنيرىنە قاتىسۋدى توقتاتۋعا ءماجبۇر ەكەنىمدى وكىنىشپەن حابارلايمىن. مەن تۋرنيرگە شاحمات جاعىنان دا، تەحنيكالىق تۇرعىدان دا دايىن ەدىم. ءبىراق مەن ويناعان بارلىق جەتى پارتيادا ينتەرنەتپەن قايتا-قايتا پروبلەمالار بولدى. حالىقارالىق گروسسمەيستەر Lei Tingjie-مەن ويىن كەزىندە 7-تۋردىڭ سوڭعى پارتياسىندا مەن ۋاقىت بويىنشا دا، تاس سانى بويىنشا باسىمدىققا يە بولىپ تۇرعانمىن. ءبىراق تۇراقسىز بايلانىستىڭ سالدارىنان ۋاقىتتى وتكىزىپ الدىم. ءار پارتيادا ماعان ويىن بارىسىنان بۇرىن ينتەرنەت تۋرالى كوبىرەك ويلاۋعا تۋرا كەلدى. مەن ءۇش پروۆايدەردىڭ بايلانىسىن قولداندىم، ەشتەڭە كومەكتەسپەدى. جانكۇيەرلەر مەن ۇيىمداستىرۋشىلاردان تاعى دا كەشىرىم سۇرايمىن»، - دەدى دينارا ءسادۋاقاسوۆا.

سوڭعى جاڭالىقتار