12:12, 11 - ءساۋىر 2021 | GMT +6
سانكت-پەتەربۋرگتە جامبىل جابايەۆقا ارنالعان كىتاپ كورمەسى اشىلدى
سانكت-پەتەربۋرگ. قازاقپارات - رەسەي ۇلتتىق كىتاپحاناسىندا قازاق اقىنى جامبىل جابايەۆتىڭ 175 جىلدىعىنا ارنالعان كىتاپ كورمەسىنىڭ اشىلۋى سالتاناتتى تۇردە ءوتتى، دەپ حابارلايدى قازاقپارات مەنشىكتى ءتىلشىسى.
شارانى قازاقستان رەسپۋبليكاسى تاۋەلسىزدىگىنىڭ 30 جىلدىعىنا وراي ق ر- دىڭ سانكت-پەتەربۋرگتەگى باس كونسۋلدىعى «اتا-مەكەن» قازاق قوعامىمەن بىرلەسىپ ۇيىمداستىردى.
باس كونسۋلدىقتان ءمالىم ەتكەندەي، كورمەگە جامبىل جابايەۆتىڭ شىعارماشىلىعىمەن بايلانىستى الەمنىڭ ءتۇرلى تىلىندە جارىق كورگەن 100 دەن استام باسىلىم قويىلدى.
كىتاپحانا باسشىلىعى ۇيىمداستىرىلىپ وتىرعان شارانىڭ ەكىجاقتى ارىپتەستىكتى نىعايتۋ جانە كەڭەيتۋدە ماڭىزى زور ەكەنىن اتاپ ءوتتى.
اتالمىش شارا پەتەربۋرگتىك وقىرماندارعا قازاقستان حالقىنىڭ مادەني مۇراسىمەن جانە رۋحاني بايلىعىمەن تانىستىرۋ مۇمكىندىگىن ۇسىندى.