كوروناۆيرۋس: الماتىدا ءبىر جاسقا دەيىنگى بالالار اراسىندا اۋرۋ جۇقتىرۋ كوبەيگەن

قاڭتار ايىندا ونعا جۋىق بالا قاۋىپتى ىندەتتى جۇقتىرسا، قازىر 60 قا جۋىق بالا ەمدەلىپ جاتىر. بۇل الماتى اۋماعىندا ۆيرۋستىڭ مۋتاتسيالانعان ءتۇرىنىڭ پايدا بولۋىمەن بايلانىستى.

«سونداي- اق ۆيرۋستىڭ وتباسى مۇشەلەرى ارقىلى تاراۋى سەبەپ بولىپ وتىر. قالادا كوروناۆيرۋستى جۇقتىرۋ بۇرىنعىداي ادام كوپ جينالاتىن جەردە ورىن الۋدا. ول - ساۋدا ورىندارى، جۇقتىرۋدىڭ 23 پايىزى وسى جەرلەردە بولعان. سونداي- اق ۇيلەر اراسىندا ورنالاسقان دۇكەندەردە، قوعامدىق كولىكتە، جۇمىس ورنىندا جۇقتىرۋ جوعارى. الماتى قالاسىنىڭ باس مەملەكەتتىك سانيتار دارىگەرىنىڭ قاۋلىسىندا جۇمىسشىلاردىڭ %80 ىن قاشىقتان جۇمىس ىستەۋگە جىبەرۋ ايتىلعان. ءبىراق بۇل تالاپ ساقتالماي وتىر»، - دەيدى اسەل قالىقوۆا.

ەپيدەميولوگ قالىپتى ومىرگە تەز ورالۋ ءۇشىن قاۋىپسىزدىك شارالارىن قاتاڭ ساقتاۋىمىز كەرەك ەكەنىن باسا ايتتى.

«ەگەر بۇل ۆيرۋستان قۇتىلىپ، قالىپتى ومىرگە ورالعىمىز كەلسە، ماسكا تاعۋ رەجيمىن ساقتاپ، قاۋىپسىزدىك شارالارىن ساقتاۋىمىز كەرەك. وعان قوسا حالىق ۆاكسينا سالدىرۋدان باس تارتپاۋى كەرەك. بۇل، ءبىرىنشى كەزەكتە، جاقىندارىن ۆيرۋستان ساقتاۋ ءۇشىن قاجەت»، - دەيدى اسەل قالىقوۆا.

ايتا كەتەيىك، وتكەن تاۋلىكتە الماتىدا 717 ادام كوروناۆيرۋس جۇقتىرعان.