ەلباسى حانزادا فيليپپتىڭ قايتىس بولۋىنا بايلانىستى كوڭىل ايتتى

نۇرسۇلتان نازاربايەۆ حانزادا فيليپپتىڭ ومىردەن وتكەنى تۋرالى سۋىت حاباردى كۇيزەلىسپەن قابىلدادى.

«ول جارقىن ءارى ماعىنالى عۇمىر كەشتى. ءسىزدىڭ سەنىمدى تىرەگىڭىز بولىپ، ەل مۇددەسى جولىندا ناعىز پاتريوت جانە حالىقارالىق دەڭگەيدەگى ءبىرتۋار قايراتكەر رەتىندە تاريحي ءىز قالدىردى. ۇلىبريتانيا جانە سولتۇستىك يرلانديا قۇراما كورولدىگىنە ساپارلارىم بارىسىندا وزىڭىزبەن جانە حانزادا فيليپپەن بولعان كەزدەسۋلەردە مارقۇمنىڭ قازاقستانعا دەگەن ءىلتيپاتتى كوڭىلى مەن يگى نيەتىن ءاردايىم سەزەتىنمىن. ءسىزدىڭ جانە تۋىستارىڭىزدىڭ قايعىسىنا ورتاقپىن. وسىناۋ ازالى ساعاتتا، ۇلى مارتەبەلى، سىزگە، وتباسىڭىزعا، بۇكىل ۇلى بريتانيا جانە سولتۇستىك يرلانديا قۇراما كورولدىگىنىڭ حالقىنا سابىر تىلەپ، كوڭىل ايتامىن»، - دەلىنگەن جەدەلحاتتا.