قازاقستاندىق ۆاكسينانى قۇيۋ پروتسەسى تۇركيادا جۇرگىزىلەدى

None
None
نۇر- سۇلتان. قازاقپارات - قازاقستاندىق ۆاكسينانى قۇتىعا قۇيۋ پروتسەسى تۇركيادا جۇرگىزىلەدى. بۇل تۋرالى ق ر پرەمەر- ءمينيسترىنىڭ ورىنباسارى ەرالى توعجانوۆ ايتتى، دەپ حابارلايدى قازاقپارات ءتىلشىسى.

«بۇگىندە تۇركيامەن ۋاعدالاستىق بار. ويتكەنى، ولاردىڭ وندىرىستىك بازاسى مىقتى. تۇركيانىڭ ءوزىنىڭ ۆاكسيناسى جوق بولعانىمەن ۇلكەن وندىرىستىك الاڭى بار. سوندىقتان بۇگىنگى كۇنى بۇل ماسەلەگە قاتىستى اتالعان وڭىرمەن الدىن الا ناقتى ۋاعدالاستىق جاسالدى. ءتىپتى، الدىن الا كەلىسىمگە قول قويدىق. مۇنىڭ ۇستىنە زاۋىت قۇرىلىسىن سۇيەمەلدەۋ كەلىسىمىن دە جاسادىق»، - دەدى ەرالى توعجانوۆ ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا.

سونىمەن قاتار ول قازاقستاندىق ۆاكسينا شىعاراتىن زاۋىتتىڭ جامبىل وبلىسى اۋماعىندا سالىنىپ جاتقانىن ەسكە سالدى. زاۋىت قۇرىلىسى بارىسىندا تۇركيانىڭ تانىمال كومپانيالارى حالىقارالىق GMP ستاندارتتى تالابىنا ساي كەلەتىن قۇرال- جابدىقتاردى ورناتاتىندىعىن اتاپ ءوتتى.

«بۇگىندە ءبىلىم جانە عىلىم، دەنساۋلىق ساقتاۋ مينيسترلىكتەرى، جامبىل وبلىسىنىڭ اكىمدىگى جانە كومپانيالار اراسىندا كەلىسىمگە قول قويىلدى»، - دەدى ۇكىمەت باسشىسىنىڭ ورىنباسارى.

ەرالى توعجانوۆ تۇركيادا قازاقستاندىق ۆاكسينانى قۇتىعا قۇيۋ پروتسەسى عانا جۇرگىزىلەتىندىگىن باسا ايتتى.

«ءبىزدىڭ ۆاكسينانىڭ ءتيىمدىلى جاقسى. 25-27 -ءساۋىر كۇندەرى قازاقستاندىق العاشقى ۆاكسينا نەگىزگى حابتارىمىزعا جەتكىزىلەدى دەپ ەسەپتەڭىزدەر. ولار اقتوبە، الماتى، شىمكەنت جانە نۇر- سۇلتان قالالارىندا ورنالاسقان. سوندىقتان جۇمىس وسى تارتىپپەن جۇرگىزىلىپ جاتىر. كەلەسى ايدا، مامىردا ولار تاعى 50 مىڭ دوزا شىعارادى. ودان كەيىن ونىڭ كولەمى 100 مىڭعا جەتكىزىلەدى»، - دەدى ەرالى توعجانوۆ ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا.

ونىڭ اتاپ وتۋىنشە، بيولوگيالىق قاۋىپسىزدىك پروبلەمالارى عىلىمي- زەرتتەۋ ينستيتۋتى ۆاكسينانى وتە كوپ مولشەردە شىعارۋعا قاۋقارسىز.

«ولار 500 مىڭ دوزا مولشەرىندە شىعارا المايدى. سوندىقتان ءوندىرىس ءۇشىن قوسىمشا الاڭ دايىنداپ قويدىق. ءبىراق، اتالعان ينستيتۋتتىڭ بازاسىندا ۆاكسينانى دايىنداۋعا، وندىرۋگە قاجەتتى سۋبستانسيا دايىندالادى. سۋبستانتسيادان بال- ءونىم ازىرلەنەدى. ال بال- ءونىم نەگىزىندە ۆاكسينانى ودان ارى قۇيۋ جۇرگىزىلەدى. سوندىقتان ماۋسىم ايىنان باستاپ ۇلكەن وندىرىسكە، ايىنا 500 مىڭ دوزاعا شىعا الامىز»، - دەدى ول.

اۆتور: مارلان جيەمباي


سوڭعى جاڭالىقتار