ەرالى توعجانوۆ كوروناۆيرۋسقا قارسى وتاندىق ۆاكسينا ءوندىرىسى قاشان باستالاتىنىن ايتتى

«بۇل ماسەلەمەن ءبىلىم جانە عىلىمي مينيسترلىگى جەتەكشىلىك ەتەتىن بيولوگيالىق قاۋىپسىزدىك عىلىمي- زەرتتەۋ ينستيتۋتى اينالىسادى. ماسەلە وتە كۇردەلى. الەمنىڭ ەڭ جەتەكشى ەلدەرىنىڭ وزىندە مەنشىكتى ۆاكسينا جوق. اتالعان ينستيتۋتتىڭ قىزمەتكەرلەرى يناكتيۆتەلگەن ۆاكسينا جاساپ شىعاردى جانە ول قازىرگى ۋاقىتتا ءوندىرىس ساتىسىندا تۇر دەسەك تە بولادى. حالىقارالىق GMP ستاندارتىنا ساي كەلەدى. 21 -ساۋىردە زەرتتەۋدىڭ 50 پايىزدىق دەڭگەيى تولىقتاي اياقتالادى»، - دەدى ەرالى توعجانوۆ ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا.

ونىڭ اتاپ وتۋىنشە، ۆاكسينانى زەرتتەۋدىڭ 50 پايىزدىق دەڭگەيى اياقتالعاننان كەيىن ءوندىرىستى ىسكە قوسۋعا بولادى.

«بۇگىندە اتالعان ع ز ي- ءدىڭ مۇمكىندىگى 50 مىڭ دوزانى قۇرايدى. ولار العاشقى ۆاكسينانى ءوندىرۋ ءۇشىن بارلىق مۇمكىندىكتەرىن جۇمسادى جانە شامامەن 21 -ساۋىردە تولىق دايىن بولادى. وسىدان كەيىن دەنساۋلىق ساقتاۋ مينيسترلىگى كلينيكالىق زەرتتەۋلەردىڭ بارلىق ءۇش ساتىسى نەگىزىندە قورىتىندى بەرۋى ءتيىس. بۇل پروتسەستەرگە 5-7 كۇن قاجەت. مەنىڭشە، قازاقستان 25-27 - ءساۋىر كۇندەرى ءوزىنىڭ العاشقى ۆاكسيناسىن الادى. 50 مىڭ - بۇل دا ءوندىرىس»، - دەدى پرەمەر- ءمينيستردىڭ ورىنباسارى.