ورازا، اۋىزاشار، ساداقا بويىنشا كەڭەستى قايدان الۋعا بولادى
بۇل تۋرالى نۇر-سۇلتان قالاسىنىڭ ءدىن ىستەرى باسقارماسىنىڭ باسشىسى نۇرداۋلەت ءالمۇحانوۆ ءمالىم ەتتى.
«ەلوردا مەشىتتەرىندەگى سانيتارلىق- ەپيدەميولوگيالىق جاعدايعا بايلانىستى ءداستۇرلى تۇردە تۇنگى نامازدار، تاراۋىق نامازدار مەن جۇما نامازدارى وتكىزىلمەيتىنى تۋرالى حابارلاعىم كەلەدى. سونداي- اق اۋىزاشاردى ۇجىمدىق تۇردە وتكىزۋدەن باس تارتۋدى سۇرايمىز»، - دەدى باسقارما باسشىسى.
ونىڭ سوزىنشە، نۇر-سۇلتان قالاسىنىڭ ءدىن ىستەرى باسقارماسى مەملەكەتتىك ورگاندارمەن جانە قازاقستان مۇسىلماندارى ءدىني باسقارماسىنىڭ فيليالدارىمەن بىرلەسىپ رامازان ايىنا ءتيىستى دايىندىق جۇمىستارىن جۇرگىزۋدە.
«109 ورتالىقتاندىرىلعان ءنومىرى ارقىلى ەلوردا تۇرعىندارى مەن قوناقتارى رامازان ايىن وتكىزۋ جانە جالپى ءدىن ماسەلەلەرى بويىنشا ءوز سۇراقتارىن قويا الادى. قۇرمەتتى ەلوردا تۇرعىندارى مەن قوناقتارى، سانيتارلىق- ەپيدەميولوگيالىق قاۋىپسىزدىك شارالارىن ساقتاۋدى، شەكتەۋ شارالارىنا تۇسىنىستىكپەن قاراۋدى سۇرايمىز»، - دەدى نۇرداۋلەت ءالمۇحانوۆ.
وسى شارادا نۇر-سۇلتان قالاسىنىڭ باس يمامى رامازان ايىندا مەشىتكە كەلۋدىڭ ءتارتىبىن ءتۇسىندىردى. ەسكە سالساق، وسى بريفينگ بارىسىندا ەلوردالىق ەرىكتىلەر اۋىزاشار قورجىنىن جەتكىزۋگە كومەكتەسەتىنى ايتىلدى.
اۆتور: ەسىمجان ناقتىباي