11:11, 09 - ءساۋىر 2021 | GMT +6
قازاقستاندىق فۋتبول كلۋبى رەسەي چەمپيوناتىندا وينايدى
نۇر-سۇلتان. قازاقپارات - رەسەيلىك كاسىپقوي فۋتبول ليگاسىنا (ك ف ل) «قايرات-ماسكەۋ» اتتى جاڭا كلۋب قاتىسادى، ول «باتىس» ايماعىندا ونەر كورسەتەدى، - دەپ حابارلايدى Meta-ratings.kz.
كلۋب وكىلدەرى الماتىدان ماسكەۋ وبلىسىنا اتتانعان، وندا ولار ۇيىمداستىرۋ ماسەلەلەرىمەن اينالىسادى. تۋرنيردىڭ باستالۋى بيىل تامىزعا جوسپارلانعان.
«قايرات-ماسكەۋ» كراسنوگورسكىدە ورنالاسادى، ءوز الاڭىنداعى ويىندارىن دا سوندا وتكىزەدى. كوماندانى كيريلل كەكەر جاتتىقتىرادى، وعان ەۆگەني كوسترۋب پەن ۆاديم بوروۆسكي كومەكتەسەدى.
باسىلىم مالىمەتىنشە، كوماندانىڭ نەگىزگى ويىنشىلارى «قايراتتىڭ» دۋبلى - «قايرات-جاستار» ساپىنان قۇرالادى.
«قايرات-جاستار» قازىر قازاقستان ءبىرىنشى ليگاسىندا ويناپ جاتىر. بۇل كوماندانىڭ نەگىزگى فۋتبولشىلارى رەسەيدە وينايتىن كلۋبقا اۋىسسا، «قايرات-جاستار» ساپىن اكادەميانىڭ جاس تاربيەلەنۋشىلەرى تولتىرادى.