شەتەلدىك ساراپشى ايدوس ەربوسىن ۇلىنىڭ چەمپيوندىق ايقاسقا شىعۋ مۇمكىندىگىنە باعا بەردى

None
None
نۇر-سۇلتان. قازاقپارات - سۋپەر ورتا سالماقتاعى قازاقستاندىق ايدوس ەربوسىن ۇلى (15-0، 10 ك و) جانە ونىڭ كەلەسى قارسىلاسى رەسەيلىك ەۆگەني شۆەدەنكونىڭ (15-0، 6 ك و) جەڭىسكە جەتۋ مۇمكىندىگى تەڭدەي.

Vesti.kz تىلشىسىنە بەرگەن سۇحباتىندا saturdaynightboxing.com پورتالىنىڭ شولۋشىسى ادام ابراموۆيتس وسىنداي پىكىر ءبىلدىردى.

«الداعى ايقاس وتە قىزىقتى وتەتىن سياقتى. ەربوسىن ۇلى مەن شۆەدەنكونىڭ تاجىريبەسى بىردەي. ەكەۋى دە 15 جەكپە-جەككە شىققان، الايدا، قازاقستاندىقتىڭ نوكاۋتپەن جەڭىسى كوبىرەك. بۇل وعان باسىمدىق بەرەدى. دەگەنمەن، كەزدەسۋدى ۇيىمداستىراتىن رەسەيلىك بوكسشىنىڭ كومانداسى بولىپ وتىر. سوندىقتان ولار ءوز بوكسشىسىنا ەڭ ۇتىمدى جاعداي جاسايدى. وسىلايشا، ەكەۋىنىڭ مۇمكىندىگى تەڭەسەدى. تۋراسىن ايتساق، شۆەدەنكونىڭ تەحنيكاسى مىقتى، ءبىراق، ەربوسىن ۇلى - شىدامدى جانە سوققىسى اۋىر بوكسشى. سوندىقتان ناعىز تەكەتىرەس بولادى. كەز كەلگەنى تيتۋلعا لايىقتى ۇمىتكەر بولا الادى دەپ ويلايمىن»، - دەيدى ابراموۆيتس.

ەسكە سالايىق، ەربوسىن ۇلى - شۆەدەنكو جەكپە-جەگى 2021-جىلدىڭ 17- ساۋىرىندە گەرمانيادا وتەدى.

بۇل كەزدەسۋدىڭ جەڭىمپازى ەكىنشى ورتا ديۆيزيوندا IBF چەمپيونى امەريكالىق كالەب پلانتقا مىندەتتى قارسىلاس اتانادى. قازاقستاندىق بوكسشى قازىرگى تاڭدا امەريكادا جاتتىعىپ جاتىر.

سوڭعى جاڭالىقتار