بيىل تالدىقورعان-ءۇشارال جولى اياقتالادى

None
None
تالدىقورعان. قازاقپارات - الماتى وبلىسىندا ىندەتكە قاراماستان وتكەن جىلى «جۇمىسپەن قامتۋ جول كارتاسى» باعدارلاماسى اياسىندا 18,8 ميلليارد تەڭگەگە 487,7 شاقىرىم جول جوندەۋ جۇمىستارى جۇرگىزىلدى، - دەپ حابارلايدى قازاقپارات ءتىلشىسى.

ال «اۋىل-ەل بەسىگى» باعدارلاماسى ىسكە اسىرىلعاننان باستاپ 3,2 ميلليارد تەڭگەگە 97,2 شاقىرىم جول جوندەلگەن. وبلىستىق جولاۋشىلار كولىگى جانە اۆتوموبيل جولدارى باسقارماسىنىڭ مالىمەتىنشە، بۇل وڭىردەگى 240 ەلدى مەكەننىڭ اۋىلىشىلىك جولدارىنىڭ ساپاسىن جاقسارتۋعا مۇمكىندىك تۋعىزدى.

جىل سوڭىنا قاراي ساپاسى جاقسى جانە قاناعاتتانارلىق جولداردىڭ ۇلەسى %89 جەتەدى. ال 2025-جىلعا قاراي بۇل كورسەتكىش 95 پروتسەنت بولادى. الماتى وبلىسى اكىمىنىڭ باسپا ءسوز قىزمەتىنىڭ مالىمەتىنشە، «الماتى - وسكەمەن» اۆتوجولىنىڭ «تالدىقورعان - ءۇشارال» بولىگى، «ءۇشارال-دوستىق» اۆتوجولىنىڭ رەكونسترۋكتسياسى بيىلعى جىلى اياقتالادى.

بۇل الاكول كولىنە بارۋشىلار قاتارىن ارتتىرۋعا ىقپال ەتپەك. بالقاش كولىنىڭ جاعالاۋىنا باراتىن ۇزىندىعى 140 شاقىرىم جول قايتا جاڭارتىلىپ جاتىر. كولساي كولىنە جەتكىزەتىن جول قۇرىلىسى اياقتالعان. ال قايىڭدى كولىنە جەتكىزەتىن 12 ك م جولدى جوندەۋ جۇمىستارى بيىلعى جىلى باستالادى. «التىنەمەل» ۇلتتىق پاركىنە دەيىنگى جولدى قايتا جاڭارتۋعا جوبالىق-سمەتالىق قۇجاتتاما ازىرلەنۋدە.

سوڭعى جاڭالىقتار