تەننيس: ارگەنتينامەن وينايتىن قازاقستان ايەلدەر قۇراماسى انىقتالدى

None
None
نۇر-سۇلتان. قازاقپارات - بيللي دجين كينگ كۋبوگىنىڭ پلەي-وفف كەزەڭىندە ارگەنتينامەن وينايتىن قازاقستان ايەلدەر قۇراماسى انىقتالدى، دەپ حابارلايدى قازاقپارات ءتىلشىسى.

قازاقستان تەننيس فەدەراتسياسى ءمالىم ەتكەنىندەي، باسەكەلەر كوردوۆا (ارگەنتينا) قالاسىندا Cordoba Lawn Tennis Club توپىراق توسەنىشى كورتتارىندا 16-17- ءساۋىر كۇندەرى وتەدى.

قازاقستان قۇراماسىنا مىنا ويىنشىلار ەندى.

1. ەلەنا رىباكينا (الەمنىڭ 23-راكەتكاسى)؛

2. يۋليا پۋتينتسيەۆا (31-راكەتكا)؛

3. زارينا دياس (88-راكەتكا)؛

4. اننا دانيلينا (290-راكەتكا)؛

5. ياروسلاۆا شۆەدوۆا (738) - ياروسلاۆانىڭ دەكرەتتىك دەمالىسى كەزىندەگى رەيتينگىسى ەسەپكە الىندى.

«ەل قۇراماسى رەيتينگ پەن تەننيسشىلەردىڭ سوڭعى كورسەتكىشتەرىنە سايكەس جاساقتالدى. جەكەلەي سىندا رىباكينا، پۋتينتسيەۆا جانە دياس قازاقستان نامىسىن قورعايدى. جۇپتىق سىندا مەنىمەن بىرگە اننا دانيلينا كورتقا شىقپاقشى. ءبىراق جۇپتىق سىندا ءدال كىمنىڭ وينايتىنى جەكەلەي باسەكەلەردىڭ ناتيجەسىنە جانە تەننيسشىلەردىڭ دەنساۋلىعى مەن جاي-كۇيىنە بايلانىستى بولماق»، دەدى قازاقستان ايەلدەر قۇراماسىنىڭ كاپيتانى يا. شۆەدوۆا.

ارگەنتينا - قازاقستان ماتچىنىڭ ويىن كەستەسى مەن قارسىلاس كوماندا قۇرامى كەيىن جاريالانادى.

ەسكە سالا كەتەيىك، بۇدان بۇرىن يۋ. پۋتينتسيەۆانىڭ چارلستون تۋرنيرىندە ز. دياسپەن ءوزارا كەزدەسەتىنىن جازعان بولاتىنبىز.

سوڭعى جاڭالىقتار