21:13, 06 - ءساۋىر 2021 | GMT +6
قازاقستاندىق نوكاۋتشىنىڭ امەريكاداعى ءبىرىنشى جەكپە- جەگى بەلگىلەندى
نۇر-سۇلتان. قازاقپارات - ءبىرىنشى جارتىلاي ورتا سالماقتاعى قازاقستاندىق بوكسشى باتىر جۇكەمبايەۆتىڭ (18-0، 14 ك و) امەريكاداعى العاشقى جەكپە-جەگىنىڭ كۇنى بەلگىلەندى، - دەپ حابارلايدى Vesti.kz.
مالىمەت كوزىنىڭ اقپاراتى بويىنشا، باتىر 29- مامىر لوس-اندجەلەستە Showtime ۇيىمداستىراتىن بوكس كەشىندە رينگكە شىعادى. قازاقستاندىق بوكسشىنىڭ قارسىلاسى پۋەرتوريكالىق سابريەل ماتياس (16-1، 16 ك و).
جۇكەمبايەۆ - ماتياس جەكپە-جەگى IBF ۇيىمىنىڭ «تورتەۋدىڭ تۋرنيرى» اتالىپ كەتكەن جارىستىڭ ءبىر بولىگى. ونىڭ جەڭىمپازى ۇيىم چەمپيونىنا مىندەتتى قارسىلاس اتانادى. ال ەكىنشى جۇپ بريتانيالىق ليۋيس ريتسون (21-1، 12 ك و) جانە ارگەنتينالىق يەرەمياس پونسە (27-0، 17 ك و) .
باتىر جۇكەمبايەۆ وسىعان دەيىنگى كەزجدەسۋلەرىنىڭ ءبارىن كانادادا وتكىزگەن. الداعى ايقاس امەريكادا وتەتىن ءبىرىنشى جەكپە-جەگى بولادى.