كوروناۆيرۋستان كەيىنگى وڭالتۋ جۇمىستارى قالاي جۇرگىزىلەدى - دارىگەر جاۋابى

دارىگەردىڭ ايتۋىنشا، كوروناۆيرۋسپەن سيمپتومسىز اۋرىپ شىققاندار ارنايى ەمدەۋدى جانە وڭالتۋدان ءوتۋدى قاجەت ەتپەيدى. ەمدەلۋ كوۆيدى پنەۆمونيامەن اۋىرعاندارعا قاجەت، سەبەبى، ول كەزدە وكپە جانە قالعان دەنە مۇشەلەرىنىڭ گيپوكسياسى تۋىندايدى. سوندىقتان ورتاشا جانە اۋىر تۇردە كوروناۆيرۋسپەن اۋىرعاندار اۋرۋحانادان تولىق ساۋ بولىپ شىقپايدى.

«كوروناۆيرۋستان كەيىنگى اسقىنۋلار كوۆيدتەن كەيىنگى سيندروم دەپ اتالادى. ك ۆ ي- دەن كەيىنگى سيندروم ۇزاق ۋاقىت ساقتالۋى مۇمكىن، ايلارعا سوزىلادى. كوۆيدتەن كەيىنگى سيمپتومدار: وكپە فيبروزى، جۇرەك-قانتامىر اۋرۋىنىڭ اسقىنۋى، كوپ ۇيىقتاۋ، ۇنەمى السىزدىككە ۇشىراۋ، جادىنىڭ ناشارلاۋى، كوگنيتيۆتى بۇزۋشىلىقتار (دۇرىس ىقىلاس اۋدارماۋ)، دەمىكپە، دەپرەسسيا جانە تاعى باسقا سيندرومدار بولادى»، - دەيدى دارىگەر.

ونىڭ سوزىنشە، اعزانى قالپىنا كەلتىرۋ ءۇشىن اۋىرعان ادامدارعا وڭالتۋدان ءوتۋ قاجەت. بۇل وكپە مەن تىنىس الۋ فۋنكتسيالارىنىڭ تولىققاندى جۇمىس ىستەۋىن قالپىنا كەلتىرىپ، پنيەۆموفيبريوزدى بولدىرمايدى.

«ول ءۇشىن تۇرعىلىقتى جەر بويىنشا ەمحاناعا، ۋچاسكەلىك دارىگەرگە بارۋ كەرەك، ول ادامنىڭ جاي- كۇيىنىڭ اۋىرتپالىعىن باعالايدى. پاتسيەنتتىڭ كورسەتكىشتەرى بويىنشا وڭالتۋ ورتالىعىنا نەمەسە ەمحانالىق جاعداي بويىنشا وڭالتۋعا جىبەرەدى. ول تىنىس الۋ جاتتىعۋى، ەمدىك دەنە شىنىقتىرۋ، ترەناجەرلاردا جاتتىعۋ جاساۋ، فيزيوتەراپيا، ءدارى-دارمەكپەن تەراپيا جۇرگىزۋ، فيتوتەراپيادان تۇرادى. وڭالتۋدىڭ ءبىر كۋرسىنىڭ مەرزىمى 10-14 كۇنگە سوزىلادى. پاتسيەنتتە وتتەگىنىڭ جەتىسپەۋى سەبەبىنەن ۇرەي، سترەسس، دەپرەسسيا سەكىلدى سيمپتومدار تۋىندايدى. مۇنداي جاعدايدا پسيحوتەراپيەۆت قارايدى»، - دەپ اتاپ ءوتتى سپيكەر.

اۆتور: الما مۇقانوۆا