كوروناۆيرۋستان كەيىن قانداي اسقىنۋلار بولادى: ق ر د س م مالىمەتى

شارادا پوستكوۆيدتىك اسقىنۋلار ماسەلەسى تالقىلاندى، دەپ حابارلايدى قازاقپارات.

دۇنيەجۇزىلىك دەنساۋلىق ساقتاۋ ۇيىمىنىڭ مالىمەتتەرى بويىنشا، شامامەن ءاربىر 10-ىنشى پاتسيەنت COVID-19 ينفەكسياسىنىڭ العاشقى بەلگىلەرى بايقالعان سوڭ 19 اپتادان كەيىن ءوزىن ناشار سەزىنەدى. وسى كورسەتكىشتەردى ەسكەرە وتىرىپ، د د س ۇ- نىڭ ەۋروپالىق بيۋروسى ايماقتا COVID-19-دان كەيىن اسقىنۋى بار پاتسيەنتتەر كوبەيەتىنىن ايتۋدا.

«سوزىلمالى COVID» دەنساۋلىق ساقتاۋ جۇيەسىنىڭ بارلىق كومپونەنتىنە ايتارلىقتاي كەرى اسەر ەتەدى، سوندىقتان مەديتسينا جۇيەسىن نىعايتۋ قاجەت. د د س ۇ دەرەكتەرىنە سايكەس، كوپتەگەن ادام اۋرۋحاناعا جاتۋعا مۇقتاج بولماسا دا، ينفەكتسيادان كەيىن دەنساۋلىعىنىڭ قالپىنا كەلۋى قيىن جانە كوبىنەسە بىرنەشە اپتا نەمەسە ايعا سوزىلاتىن فۋنكسيونالدىق بۇزىلۋلاردان زارداپ شەگەدى. كەيبىر جاعدايدا پاتسيەنتتەردەن ودان دا ۇزاق جانە اۋىر فۋنكسيونالدىق بۇزىلۋ بايقالادى.

«قازاقستان بۇكىل الەم سياقتى جاڭا كوروناۆيرۋس ينفەكسياسىنا العاش رەت تاپ بولدى. ينفەكتسيانىڭ الدىن الۋ جانە ىندەتتى انىقتاۋ ماقساتىندا الەمدىك تاجىريبەنى، حالىقارالىق ۇيىمداردىڭ ۇسىنىمدارىن جانە رەسپۋبليكانىڭ زاڭناماسىن ەسكەرە وتىرىپ، ەپيدەمياعا قارسى ءىس- شارالار قابىلداندى جانە جۇرگىزىلەدى. ك ۆ ي پاندەمياسى دەنساۋلىق ساقتاۋ سالاسىنىڭ ماماندارىنا جەدەل دياگنوستيكا مەن ەمدەۋگە عانا ەمەس، سونىمەن قاتار پاتسيەنتتەردى ديناميكالىق باقىلاۋ مەن وڭالتۋ شارالارىن قامتيتىن ساپالى مەديتسينالىق كومەك كورسەتۋگە بايلانىستى مىندەتتەر قويدى»، - دەلىنگەن ق ر دەنساۋلىق ساقتاۋ مينيسترلىگىنىڭ اقپاراتىندا.

پوستكوۆيدتىك اسقىنۋلاردىڭ الدىن الۋ ماقساتىندا كلينيكالىق حاتتاماعا سايكەس ستاتسيونار دەڭگەيىندە پرون- پوزيتسيانى، ۆيبرواكۋستيكالىق ماسساج جانە تىنىس الۋ گيمناستيكاسىن پايدالانا وتىرىپ، ەرتە وڭالتۋ جۇرگىزىلەدى. سونداي-اق قاجەت بولعان جاعدايدا پسيحولوگيالىق قولداۋ كورسەتۋ ءۇشىن پسيحولوگتار، پسيحوتەراپيەۆتەر تارتىلادى. امبۋلاتوريالىق كەزەڭدە مەديتسينالىق وڭالتۋ بويىنشا 2 جانە 3-كەزەڭدەردىڭ كلينيكالىق حاتتاماسى شەڭبەرىندە وڭالتۋ ءىس-شارالارى كورسەتىلەدى. كوموربيدتى فونى بار پاتسيەنتتەر ءۇشىن بەيىندى مامانداردىڭ ديناميكالىق باقىلاۋى ۇيىمداستىرىلادى.

«بۇگىنگى تاڭدا دەنساۋلىق ساقتاۋ جۇيەسىندە 49 وڭالتۋ ورتالىعى بار، ونىڭ 3-ەۋى رەسپۋبليكالىق بالالار ورتالىعى، 46-سى وڭىرلىك دەڭگەيدە. 567 مەديتسينالىق ۇيىمدا وڭالتۋ كومەگى كورسەتىلەدى، ونىڭ ىشىندە مەملەكەتتىك ۇيىمدار - 268، جەكەمەنشىك ۇيىمدار - 74»، - دەدى ا. عينيات.

«اۋرۋدىڭ اعىمىنا، ناتيجەسىنە جانە سالدارىنا اسەر ەتەتىن فاكتورلار كەشەنىن زەرتتەۋ، سونداي- اق LongCovid جانە پوستكوۆيدتىك سيندرومىن ۋاقتىلى انىقتاۋ جانە ەمدەۋ ءۇشىن 2020 -جىلدىڭ جەلتوقسانىندا ۇلتتىق عىلىمي كارديولوگيالىق ورتالىق جانە رەسپۋبليكالىق دياگنوستيكالىق ورتالىق بازاسىندا پوستكوۆيدتىك ورتالىق اشىلدى»، - دەپ حابارلادى دەنساۋلىق ساقتاۋ ۆيتسە- ءمينيسترى.

ءۇش اي ىشىندە ورتالىقتا 412 پاتسيەنت، ونىڭ ىشىندە COVID-19 كوروناۆيرۋس ينفەكتسياسىنان كەيىن 312 ەرەسەك ادام جانە 100 بالا تەكسەرىلدى. پيلوتتىق جوبانىڭ قورىتىندىسى بويىنشا ەرەسەكتەر اراسىندا (18 جاستان اسقان پاتسيەنتتەر) پوستكوۆيدتى سيندرومنىڭ كەلەسىدەي كورىنىستەرى بايقالدى:

- يممۋن تاپشىلىعى - 92 پايىز،

- كوگنيتيۆتى بۇزىلۋلار - 60 پايىز،

- وكپەنىڭ جەلدەتۋ فۋنكتسياسىنىڭ بۇزىلۋى - 16,6 پايىز،

- برونحوەكتازدار جانە بۋللەزدى وزگەرىستەر - 12,8 پايىز،

- اتەروسكلەروزدىڭ ۇدەۋى - 3,2 پايىز،

- ارتەريالىق گيپەرتەنزيا العاش رەت دياگنوز قويىلعان - 6,1 پايىز،

- بۇرىن جۇرگىزىلگەن گيپوتەنزيۆتى تەراپياعا رەزيستەنتتى ارتەريالىق گيپەرتەنزيا - 43,27 پايىز.

1 جاستان اسقان بالالار اراسىندا:

- يممۋن تاپشىلىعى - 78 پايىز،

- قۇرساق قۋىسى اعزالارىنىڭ پاتولوگياسى - 55 پايىز،

- گەپاتومەگاليا - 4 پايىز،

- ءوت قابىنىڭ دەفورماتسيالانعان قابىنۋى - 45 پايىز،

- پانكرەاتيتتىڭ ءورشۋى - 6 پايىز جانە باسقالارى، - بۇيرەك پاتولوگياسى - 13 پايىز،

- ەندوكريندىك پاتولوگيا-22 پايىز،

- كورۋ اعزالارىنىڭ پاتولوگياسى-26 پايىز.

ا. عينيات حابارلاعانداي، پاتسيەنتتەردى تەكسەرۋ ناتيجەسى بويىنشا مەديتسينالىق ۇيىمداردا سوزىلمالى ك ۆ ي سالدارىن انىقتاۋ، باعالاۋ جانە باسقارۋ كەزەڭدەرىن، سونداي- اق سوزىلمالى ك ۆ ي جانە پوستكوۆيدتى سيندرومى بار پاتسيەنتتەر ءۇشىن ءوزىن-ءوزى باقىلاۋ بويىنشا ۇسىنىمداردى قامتيتىن ادىستەمەلىك ۇسىنىمدار ازىرلەندى. قازىر اتالعان تاجىريبەنى بۇكىل رەسپۋبليكا بويىنشا ەنگىزۋ جۇمىستارى جۇرگىزىلۋدە.