باتىس قازاقستاندا كارانتيندىك شەكتەۋ شارالارى كۇشەيتىلدى

وڭىردەگى ەپيدەميولوگيالىق احۋالدى ەسكەرە وتىرىپ، ب ق و باس مەملەكەتتىك سانيتار دارىگەرى مۇحامعالي ارىسپايەۆتىڭ 18- ناۋرىزداعى قاۋلىسى شىقتى.

جاڭا قاۋلىعا سايكەس بارلىق ويىن-ساۋىق نىساندارىنىڭ، سونىڭ ىشىندە كينوتەاتر، تەاترلاردىڭ قىزمەتىنە تىيىم سالىنادى. مەملەكەتتىك ورگاندار مەن كۆازيمەملەكەتتىك سەكتور ۇيىمدارى قىزمەتكەرلەرىنىڭ كەمىندە 80، جەكە كاسىپكەرلىكتەگىلەردىڭ 50 پايىزى قاشىقتان جۇمىس جاساۋعا كوشەدى.

مەكتەپكە دەيىنگى بالالار ۇيىمدارىنداعى كەزەكشى توپتارداعى بالدىرعاندار سانى 15 تەن اسپاۋى ءتيىس. كونتينگەنتى 300 وقۋشىعا دەيىن قالالىق جانە اۋىلدىق مەكتەپتەردە ءار سىنىپتا 15 بالاعا دەيىن ءداستۇرلى تۇردە وقىتىلادى.

اتا-انالاردىڭ ءوتىنىشى بويىنشا جالپى ءبىلىم بەرەتىن مەكتەپتەردە 1-5- سىنىپتاردا، حالىقارالىق مەكتەپتەردە 7- سىنىپقا دەيىن 15 بالادان كەزەكشى سىنىپتاردا ءبىلىم الادى. ال وقۋ بىتىرەتىن سىنىپتاردا (9، 11، 12- سىنىپتار) اپتانىڭ التى كۇنى ىشىندە پاندەردىڭ 70 پايىزى شتاتتىق رەجيمدە، 30 پايىزى قاشىقتان وقىتىلادى. سونداي-اق مەكتەپ اكىمشىلىگىنىڭ شەشىمى بويىنشا ساباقتان تىس ۋاقىتتا 15 بالادان اسپايتىن توپتاردا جەكە وقىتۋعا رۇقسات بەرىلەدى.

تەحنيكالىق جانە كاسىپتىك، ورتا بىلىمنەن كەيىنگى ءبىلىم بەرۋ ۇيىمدارىندا، جوعارى جانە جوعارى وقۋ ورنىنان كەيىنگى ءبىلىم بەرۋ ۇيىمدارىندا 1- كۋرس ستۋدەنتتەرى 2020-2021 وقۋ جىلىنىڭ II سەمەسترىنەن باستاپ سانيتارلىق-ەپيدەميولوگيالىق تالاپتاردى ساقتاي وتىرىپ، ارالاس وقىتۋعا كوشىرىلەدى. ازىق-تۇلىك جانە ازىق-تۇلىكتىك ەمەس اشىق بازارلار جەكسەنبى كۇنى جۇمىس جاسامايدى.

ال ازىق-تۇلىك جانە ازىق-تۇلىكتىك ەمەس جابىق بازارلار، سونداي-اق ساۋدا ۇيلەرى مەن ورتالىقتارى سەنبى جانە جەكسەنبى كۇندەرى قىزمەتتەرىن توقتاتادى.

ەسكە سالا كەتەيىك، بۇدان بۇرىن ب ق و- دا ناۋرىزدا كوروناۆيرۋسقا قارسى 1200 دەن استام ادامنىڭ ەگىلگەنىن ، 15500 مەديتسينا قىزمەتكەرىنە 3,6 ميلليارد تەڭگە ۇستەمەاقى تولەنگەنىن جازعان بولاتىنبىز.