ق ر پرەزيدەنتى يمانبەك زەيكەنوۆتى قۇتتىقتادى

None
None
نۇر-سۇلتان. قازاقپارات – ق ر پرەزيدەنتى قاسىم-جومارت توقايەۆ Grammy سىيلىعىنا يە بولعان يمانبەك زەيكەنوۆتى قۇتتىقتادى، دەپ حابارلايدى قازاقپارات.

پرەزيدەنتتىڭ باسپا ءسوز حاتشىسى بەرىك ءۋاليدىڭ جازۋىنشا، مەملەكەت باسشىسى قاسىم-جومارت توقايەۆ قازاقستاندىق يمانبەك زەيكەنوۆكە اسا بەدەلدى Grammy مۋزىكالىق سىيلىعىنىڭ تابىس ەتىلۋى جونىندەگى جاڭالىقتى زور قۋانىشپەن قابىلدادى.

«ءوزىنىڭ تالانتى مەن ماقسات قويا ءبىلۋىنىڭ ارقاسىندا ديدجەي Imanbek الەمدىك شوۋ-بيزنەستىڭ باستى سىيلىقتارىنىڭ ءبىرىن يەلەندى. ونىڭ شىعارماشىلىعى قازاقستاندىق جاستاردىڭ دا ەڭ بيىك شىڭداردى باعىندىرا الاتىنىن دالەلدەدى. پرەزيدەنتتىڭ اتىنان يمانبەكتى وسى جارقىن جەڭىسىمەن قۇتتىقتايمىن جانە جاڭا شىعارماشىلىق تابىستار تىلەيمىن!»، - دەدى ب. ءۋالي.

ەسكە سالايىق، قازاقستاندىق مۋزىكانت يمانبەك زەيكەنوۆتىڭ SAINt JHN اتتى ءانشىنىڭ Roses انىنە جازىلعان رەميكسى Grammy سىيلىعىن جەڭىپ الدى. سىيلىق جەڭىمپازدارىن جاريالاۋ ءراسىمى 14-ناۋرىزدا ءوتتى. الەمگە تانىمال بولعان پاۆلودارلىق ديدجەي تاياۋدا Rita Ora جانە David Guetta سياقتى الەمگە ايگىلى مۋزىكانتتارمەن بىرگە ءان جازدى.

امەريكانىڭ The New York Times گازەتى وتانداسىمىز جايلى ماقالا دا جاريالاندى. يمانبەك وتكەن جىلدىڭ جەلتوقسانىنا دەيىن جەرگىلىكتى تەمىر جول ستانساسىندا جۇمىس ىستەگەن. 2019 -جىلدىڭ جازىندا Saint Jhn اتتى رەپەردىڭ Roses اتتى ءانىن تاۋىپ، سوعان رەميكس جازۋدى قولعا الادى. بۇل كومپوزيتسيا ءۇش جىل بۇرىن شىعىپ قويعان بولاتىن. يمانبەك انگە رەميكس جازىپ، ونى الەۋمەتتىك جەلىگە جاريالادى. ارادا بىرنەشە اي وتكەندە ول پوپ جۇلدىزعا اينالدى.


سوڭعى جاڭالىقتار