وزبەكستان ازاماتتارى ۆاكسينا الماس بۇرىن مەديتسينالىق تەكسەرىستەن وتەدى

بۇل تۋرالى وزبەكستاننىڭ دەنساۋلىق ساقتاۋ مينيسترلىگىنىڭ باسپا ءسوز قىزمەتى حابارلادى. سانيتارلىق- ەپيدەميولوگيالىق قاداعالاۋ جانە دەنساۋلىق ساقتاۋ قىزمەتى باسشىسىنىڭ ورىنباسارى نۇرمات وتابەكوۆتىڭ ايتۋىنشا، كوروناۆيرۋسقا قارسى ۆاكسينانى الۋ مەديتسينالىق تەكسەرۋ ناتيجەلەرى بويىنشا قابىلدانادى.

وتابەكوۆ سونداي-اق ۆاكسينا العىسى كەلەتىندەردىڭ بارلىعى مەديتسينالىق تەكسەرىستەن وتەتىنىن، بۇل شارا قانداي دا ءبىر اسقىنۋلاردى بولدىرماۋعا سەپ بولاتىنىن اتاپ ءوتتى. ەكپە العاننان كەيىن جارتى ساعات بويى ناۋقاس مەديتسينالىق باقىلاۋدا بولادى.

دارىگەرلەر پاتسيەنتتىڭ جاعدايىن ءۇش كۇن بويى باقىلايدى. كەيىن دارىگەرلەر ولاردى ۇيگە كەلىپ تەكسەرەدى. سونداي- اق رەسپۋبليكانىڭ دەنساۋلىق ساقتاۋ مينيسترلىگى كوروناۆيرۋسقا قارسى ۆاكسينا الماعاندارى دۇرىس بولاتىن ادامداردىڭ ءتىزىمىن ايتتى.

مىسالى، COVID-19 ۆاكسيناتسياسىن ايتۆ ينفەكسياسى بار ادامدارعا، اۋتويممۋندىق اۋرۋلارمەن اۋىراتىندارعا، اۋىر اللەرگيالىق رەاكسيالارى بار ادامدارعا، جۇكتى جانە بالا ەمىزەتىن ايەلدەرگە، سونداي-اق كامەلەتكە تولماعاندارعا جاساۋ ۇسىنىلمايدى.

ەستەرىڭىزگە سالا كەتەيىك، وزبەكستاندا ۆاكسينالاۋدىڭ باستالۋى ناۋرىزدىڭ ءبىرىنشى جارتىسىنا بەلگىلەنگەن. ونى وتكىزۋگە تاشكەنتتەگى جانە ەلدىڭ بارلىق ايماقتارىنداعى ەمدەۋ- پروفيلاكتيكا مەكەمەلەرىندە 3138 كابينەت بولىنگەن. سونىمەن قاتار حالىقتى كوروناۆيرۋسقا قارسى ۆاكسيناتسيالاۋعا 820 موبيلدى بريگادا تارتىلادى.

اۆتور: گۇلزات اقجولوۆا