الماتى اكىمدىگى گاز تەكسەرۋشى الاياقتاردان ساق بولۋدى ەسكەرتتى

نۇر-سۇلتان. قازاقپارات - الماتىدا گاز جابدىقتارىن تەكسەرۋ قىزمەتى رەتىندە تۇرعىنداردى الدايتىندار كوبەيدى، - دەپ حابارلايدى inAlmaty.kz باسىلىمى.

بۇل تۋرالى مەدەۋ اۋدانى اكىمدىگى حابارلادى. الەۋمەتتىك جەلىلەردە تۇرعىندار گاز جابدىقتارىن اقىلى تۇردە تەكسەرۋگە كەلەتىندەر كوبەيگەنىن ايتىپ شاعىمداندى. ولار وزدەرىن تەكسەرۋشى كومپانيا قىزمەتكەرلەرى رەتىندە تانىستىرادى. الاياقتار گاز- پەشىنەن دە، ونىڭ قوسالقى قۇرىلىمىنان دا «اقاۋ» تاۋىپ، وعان سەندىرە الادى.

«الاياقتاردى بىردەن انىقتاۋ قيىن، ويتكەنى گاز جابدىعىن تەكسەرۋمەن گاز جەتكىزۋشى ەمەس، كەلىسىم- شارت جاساسقان ج ش س اينالىسادى. ءسىز قىزمەت كورسەتەتىن ۇيىمعا قوڭىراۋ شالۋ ارقىلى الاياقتى انىقتاي الاسىز. ونىڭ بايلانىس نومىرلەرى ادەتتە تۇبىرتەكتە كورسەتىلەدى. 104 قىزمەتى تەك توتەنشە جاعدايلاردى جويۋمەن اينالىسادى»، - دەيدى اكىمدىك وكىلدەرى.

سونداي-اق، اكىمدىكتەگىلەر الاياق ارباۋىنا تۇسپەۋ ءۇشىن بىرنەشە كەڭەس بەردى.

ەسىكتى اشپاس بۇرىن، تەكسەرۋشىنىڭ قىزمەتتىك كۋالىگىن سۇراپ، قىزمەتكەردىڭ جەكە باسىن تەكسەرۋ ءۇشىن ۇيىمعا قوڭىراۋ شالىڭىز؛

كورشىلەرىڭىز كورسەتىلگەن ءتىزىم بار ەكەنىنە كوز جەتكىزىڭىز. ويتكەنى جوسپارلى تەكسەرۋ كەزىندە كوممۋنالدىق قىزمەتكەرلەر بۇكىل پاتەردى نەمەسە كوشەنى بىردەن تەكسەرەدى؛

ۇيگە تەك ءبىر قىزمەتكەردىڭ كىرۋىنە رۇقسات ەتىڭىز؛

ولاردى مۇقيات باقىلاپ، بولمەدە جالعىز قالدىرماڭىز؛

اقاۋ انىقتالعان كەزدە اكت جاساۋدى تالاپ ەتىڭىز؛

اقشا بەرسەڭىز تۇبىرتەك تالاپ ەتىڭىز؛