ۆاكسينا سالدىرعاندارعا ماسكاسىز كەزدەسۋگە رۇقسات بەرىلدى

بۇل تۋرالى Tengrinews.kz ءتىلشىسى Reuters اقپارات اگەنتتىگىنە سىلتەمە جاساپ حابارلادى.

ا ق ش اۋرۋلاردى باقىلاۋ جانە الدىن الۋ ورتالىعىنىڭ (CDC) باسشىلىعى تولىق ۆاكسيناتسيالانعان ادامدار كوروناۆيرۋستىڭ اۋىر تۇرىنە شالدىعۋ قاۋپى تومەن ەكپە سالدىرماعان ادامدارمەن شاعىن توپتاردا كەزدەستىرۋگە بولاتىنىن ايتتى. ولارعا قاشىقتىق ساقتاماسا دا بولادى. الايدا بىرنەشە ءۇي شارۋاشىلىعىنىڭ ۆاكسينا سالدىرعان جانە سالدىرماعان ادامدارى كەزدەسكەندە، ماسكا تاعۋى شارت.

«ولار قوعامدىق ورىنداردا وسى شارالاردى ۇستانۋدى، ساپارعا شىعۋ مەن ۇلكەن جينالىستاردان اۋلاق بولۋدى جالعاستىرۋى كەرەك. بۇل ساقتىق شارالارى ۇستالادى، ويتكەنى ۆاكسيناتسيالانعان ادامدار COVID-19-دىڭ جەڭىل ءتۇرىن جۇقتىرۋ قاۋپى از بولسا دا بار»، - دەيدى CDC ديرەكتورى روشەل ۆالەنسكي.

ۆالەنسكيدىڭ ايىتۋىنشا، ۆاكسيناتسيالانعان ادام دەگەن - Pfizer/Biotech نەمەسە Moderna ۆاكسيناسىنىڭ 2 دوزاسىن العاننان كەيىن نەمەسە Johnson مەن Johnson ۆاكسيناسىنىڭ ءبىر دوزاسىن سالدىرعاننان كەيىن 2 اپتا وتكەن سوڭ امان قالعاندار.

سونىمەن قاتار، دجو بايدەن امەريكالىقتاردى سەرگەك بولۋعا جانە ۆيرۋستىڭ جاڭا تولقىنىن بولدىرماۋ ءۇشىن CDC نۇسقاۋلارىن ورىنداۋعا شاقىردى.

دۇنيەجۇزىلىك دەنساۋلىق ساقتاۋ ۇيىمىنىڭ (د د ۇ) مالىمەتىنشە، ا ق ش-تا كوروناۆيرۋس جۇقتىرعاندار سانى 28 ميلليوننان اسادى.