+7 (701) 759 90 19
+7 °С : نۇر-سۇلتان
+14 °С : الماتى
USD 430.69 EUR 518.42
RUB 5.66 CNY 66.17
جاڭالىقتار

اسحات ايماعامبەتوۆ پەداگوگتاردىڭ بىلىكتىلىگىن ارتتىرۋ ءۇشىن قانداي شارالار قابىلدانعانىن اتادى

9 ناۋرىز 12:16
:ءبولىسۋ
اسحات ايماعامبەتوۆ پەداگوگتاردىڭ بىلىكتىلىگىن ارتتىرۋ ءۇشىن قانداي شارالار قابىلدانعانىن اتادى

نۇر-سۇلتان. قازاقپارات - ەلىمىزدىڭ جوعارى وقۋ ورىندارى پەداگوگيكالىق قايتا دايارلاۋ باعدارلامالارىن ازىرلەپ جاتىر.

بۇل جايىندا ءماجىلىس دەپۋتاتتارىنىڭ ساۋالىنا ق ر ءبىلىم جانە عىلىم ءمينيسترى اسحات ايماعامبەتوۆتىڭ جاۋابىندا ايتىلعان، دەپ حابارلايدى قازاقپارات ءتىلشىسى.

«دارىندى جاستاردى پەداگوگيكالىق ماماندىققا تارتۋ ماقساتىندا ءمۇعالىمنىڭ مارتەبەسىن كوتەرۋ ءۇشىن ءتيىستى جۇمىس جالعاستىرىلۋدا. پەداگوگيكالىق باعىت بويىنشا وقۋعا تۇسۋگە قويىلاتىن تالاپتار بىرتىندەپ كۇشەيتىلۋدە. وسىلاي، 2020 -جىلى وقۋعا ءتۇسۋ بالى 60 تان 70 بالعا دەيىن كوتەرىلدى، ارنايى ەمتيحان مازمۇنى وزەكتەندىرىلدى. پەداگوگيكالىق جوعارى وقۋ ورىندارىندا (بۇدان ءارى – ج و و) وقيتىن ستۋدەنتتەردىڭ ستيپەندياسى ۇلعايتىلدى (26186 نان 42000 تەڭگەگە دەيىن). مەكتەپ مۇعالىمدەرىنىڭ ەڭبەكاقىسى ءوستى. مەكتەپ وقۋشىلارى اراسىندا كاسىپتىك باعدار بەرۋ جۇمىسىن جۇرگىزۋ ءۇشىن ج و و- لار ءبىلىم باسقارمالارىمەن، مەكتەپتەرمەن ءوزارا ءىس- قيمىل جاسايدى»، - دەدى مينيستر.

ونىڭ اتاپ وتۋىنشە، قازىرگى ۋاقىتتا بارلىق ءبىلىم بەرۋ باعدارلامالارى پەداگوگتىڭ كاسىبي ستاندارتىنا جانە جۇمىس بەرۋشىلەردىڭ تالاپتارىنا سايكەس جاڭارتىلدى. بۇل رەتتە، پەداگوگيكالىق پراكتيكاعا ارنالعان ادىستەمەلىك ۇسىنىستار جاسالىنعان جانە وقىتۋدىڭ بارلىق كەزەڭىندە پراكتيكانى ۇيىمداستىرۋدى كوزدەيتىن ۇزدىكسىز پراكتيكالىق وقىتۋ جۇيەسى ەنگىزىلدى. 2018 -جىلدان باستاپ پەداگوگتى اتتەستاتتاۋ راسىمدەرىنىڭ جاڭا فورماتى ەنگىزىلدى.

وسىعان بايلانىستى مينيسترلىك نورماتيۆتىك- قۇقىقتىق قۇجاتتارعا وزگەرىستەر ەنگىزۋ بويىنشا جۇمىس جۇرگىزدى. وعان سايكەس 2021 -جىلدان باستاپ پەداگوگيكالىق ج و و- لاردىڭ تۇلەكتەرى ءۇشىن ۇلتتىق بىلىكتىلىك تەستىلەۋىنەن مىندەتتى ءوتۋ نورماسى ەنگىزىلدى. اتالعان شارا تۇلەكتەردىڭ قۇزىرەتتىلىگىن راستاۋعا جانە ءبىلىم بەرۋ ۇيىمدارىن بىلىكتى جاس ماماندارمەن قامتاماسىز ەتۋگە مۇمكىندىك بەرەدى.

«تاجىريبە الماسۋ اياسىندا ج و و وقىتۋشىلارىنىڭ جاپپاي اشىق ونلاين كۋرستارىن ازىرلەپ، ءبىلىم بەرۋ پلاتفورمالارىنا ورنالاستىرۋعا مۇمكىندىكتەرى بار. سونىمەن قاتار، ج و و- لار مەكتەپتەرمەن بىرلەسىپ ءوزارا تاجىريبەمەن الماسۋ جانە ستۋدەنتتەرگە يننوۆاتسيالىق پەداگوگيكالىق تەحنولوگيالار مەن ادىستەردى ءتيىمدى وقىتۋ ماقساتىمەن كونسورتسيۋم قۇردى. قازىرگى ۋاقىتتا ج و و- لار پەداگوگيكالىق قايتا دايارلاۋ باعدارلامالارىن ازىرلەۋ بويىنشا جۇمىس جۇرگىزۋدە. وسى باعىتتا مينيسترلىك ج و و- لارعا پەداگوگيكالىق- پسيحولوگيالىق دايىندىقتى كۇشەيتۋ ءۇشىن پەداگوگيكالىق قايتا دايارلاۋ باعدارلامالارىنىڭ مازمۇنىن وزگەرتىپ، وقۋ ناتيجەلەرىن تۇزەتۋدى ۇسىندى»، - دەدى اسحات ايماعامبەتوۆ.

سونىمەن قاتار مينيستر جاس مامانداردى مەكتەپ جۇمىسىنا ىنتالاندىرۋ ءۇشىن شەتەلدىك ج و و- لاردى، «بولاشاق» باعدارلاماسىن، اعىلشىن تىلىندە پاندەردى وقىتۋ قۇقىعىمەن بىتىرۋشىلەر، سونداي- اق پرەزيدەنتتىك كادر رەزەرۆىنە كىرگەن ادامدار ءۇشىن «پەداگوگ- مودەراتور» بىلىكتىلىك ساناتىن بەرۋدىڭ جەڭىلدەتىلگەن ءتارتىبى ەنگىزىلگەنىن اتاپ وتەدى.

«وسىلايشا، مينيسترلىك پەداگوگيكالىق ءبىلىم بەرۋ ساپاسىن ارتتىرۋ جانە مەكتەپتەردى جوعارى بىلىكتى مۇعالىمدەرمەن قامتاماسىز ەتۋ بويىنشا جۇيەلى، كەشەندى جۇمىستى جۇزەگە اسىرۋدا»، - دەدى ول.

اۆتور: مارلان جيەمباي


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات